Parole 'e :Ernesto Murolo
Museca 'e :Ernesto Tagliaferri
Data 'e nascita : 1921
Edizzione :
Mandulinata a Napule
Sera d'Està! Pusilleco lucente
canta canzone, e addora d'erba 'e mare...
Voglio 'e pparole cchiù d'ammore ardente:
voglio 'e pparole cchiù gentile e care,
pe' ddì:"Te voglio bene..." a chi me sente
Ma de pparole cchiù carnale e ddoce,
ne sceglio sulo tre:"Te voglio bene...!
Bella, 'int’’o core tuio sacc' io chi tiene
chi sta 'int’’o core mio saie pure tu...
P’’o mare 'e Napule
quant'armonia!
Saglie 'ncielo e 'ncielo sentono
tutt’’e stelle 'a voce mia:
voce, ca tènnera
'st' ammore fa.
Notte d'Està! Se so' addurmute 'e ccase...
e 'o cielo, a mmare, nu scenario ha stiso...
Stai 'mbracci a mme, nnucente so’’sti vase...
bella, stanotte, te so' frato e sposo,
stanotte Ammore e Dio songh'una cosa...
Canta: e d’’o suonno Napule se sceta,
ridono 'e vvocche ca se so' vvasate...
tutt’’e suspire 'e tutt’’e nnammurate
suspirano, stanotte, attuorno a tte.
P’’o mare 'e Napule
quant'armonia!
Saglie 'ncielo e 'ncielo sentono
tutt’’e stelle 'a voce mia:
voce, ca tènnera
'st'ammore fa.
This article uses material from the Wikipedia Nnapulitano article Mandulinata a Napule, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.