Cu 'e parole canzona napulitana se fa riferimento â museca popolare ca nasce o è nata a Napule.
« Jesce sole, jesce sole, Nun te fà cchiù suspirà, Siente maje che le figliole, Hanno tanto da prià? » | |
('E parole d’’a primma stofa d’’a primma canzona napulitana storica d’’o Millequattuciento, 'a primma ca s'hanno nutizie certe. 'E vierze stanno astipate dint’’a Bibliuteca Nazziunale 'e Parigge.) |
Chesta particulare forma d'arte nascette ntuorno ô Milledujeciento ma avette 'o periodo 'e cchiù granne successso tra 'a fina e l'Ottuciento e 'o prencipio d’’o Noveciento. Fuje propio dinto a chillu periodo d'oro ca nascetteno 'e cchiù belle canzone, 'e cchiù granne puete e i meglio museciste napulitane.
'E ccanzone nate dinto a chillu periodo, c’’o tiempo, fujeno chiammate "classiche" e ancora ogge, a distanza 'e cchiù 'e nu secolo, so' ancora cantate d’’e meglio cantante napulitane, taliane e straniere e so' apprezzate pe' tutto 'o munno.
C’’o tiempo, se tennero pure varie festivàl 'e museca napulitana, comm’’o Festival 'e Napule e, primma ancora, chell'e Piererotta.
'E strumiente classiche d’’a canzóna napulitana songo 'o manduline e 'a chitarra. A chisti ccà s'ajjontene 'e tamorre e tamburielle, 'a caccavella, 'o putipù, 'e triccaballacche, 'o calascione, 'e nacchere, 'o scetavaiasse e ll'ati strumiente costruite spisso cu 'a manera artigianale.
Si se levane 'a miezo 'e villanelle e 'e ccanzone popolare 'e primma d’’o 1800 (ca nun tenevene ancora pricisamente 'a struttura d’’a melodia e d’’a lirica), paricchie studiuse fanno nascere 'a canzone napulitane int’’o 1835 c’’o piezzo Te voglio bene assaje. 'E pparole fujene scritte d’’o poete Raffaele Sacco e 'a museca nce 'a mettette 'o maestro Francesco Campanella. 'A canzone fuje presentata 'o 7 'e settembre d’’o 1835 â "Festa 'e Piererotta".
This article uses material from the Wikipedia Nnapulitano article Canzona napulitana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.