Laura Pausini (Faenza, 16 'e majo 1974) è na cantante taliana.
Laura Pausini | ||
---|---|---|
Nazzionalità | ||
Gennere | Pop Pop latino Pop rock | |
Periodo 'e attività | 1993 – 'n attività | |
Etichetta | CGD CGD East West Atlantic Records | |
Album pubbrecate | 18 | |
Studio | 13 | |
Live | 3 | |
Raccolte | 2 | |
Opere audiovisive | 6 | |
Laura Pausini è crisciuta a Solarolo, int'a Romagna. Essa accumminciaje a cantà int'e locali 'e pianobar cu 'o pate, 'a quanno teneva 8 anne. A 13 anni, pubblicaje 'o primmo album suoje, nun affeciale, chiammato "'I sogni di Laura". Chisto album era cumposto 'a famose canzone reinterpretate, pe fà na pubblecetà.
Int'o 1993 partecipaje 'o Festival 'e Sanremo, e vincette int'a categoria Nuove Proposte, c'una 'e suoje chiú famose canzone 'e sempre, "La solitudine". Accussì pubblicaje 'o primmo album affeciale, "Laura Pausini".
Int'o 1994 partecipaje n'ata vota 'o Festival, c'a canzona "Strani amori" e facette 'o tierzo puosto. Aropp'o sicunno album, "Laura", accumminciaje a cantà pure in spagnuolo e portughese. 'O suoje primmo album spagnuolo, "Laura Pausini", addiventaje nu "best seller" int'a Spagna e America Latina.
'O tierzo album fuje pubblicato int'o 1996, se chiammaje "Le cose che vivi" e fuje reggistrato pure in portughese. D'a Sguizzera accumminciaje nu tour ca facette tutto esaurito.
Int'o 1998 ascette "La mia risposta", ca cuntene 'a canzona "'Looking for an angel'" scritta 'a Phil Collins, e int'o 2000 ascette invece "Tra te e il mare" 'a cui omonima canzona le fuje scrìtta 'a Biagio Antonacci; ca dinto ce sta pure 'a canzona "'The extra mile'" ca fuje 'a colonna sonora d'o film "Pokemon 2000".
L'anno aroppo, 'o 2001, ascette 'a primma raccolta, "The best of Laura Pausini - E ritorno da te" ca cunteneva pure doje inediti, "E ritorno da te" e "Una storia che vale".
Aroppo 2 anni 'e fatica, finalmente ascette 'o primmo album tutto in inglese, "From the inside" apprìmma in America, poi pure in Italia. Ca dinto ce stanno alcune suoje canzone canusciute, int'a versiune inglese.
Int'o 2004 pubblicaje n'ato album, "Resta in ascolto" enzieme, comme sempe, 'a versiune spagnuola, "Escucha". Int'a chesto album ce stanno tre canzone scritte 'a gruosse artiste: Madonna, Biagio Antonacci, e Vasco Rossi. Emmece c'o brano "Come se non fosse stato mai amore" partecipaje pure ô Festivalbar d'o 2005.
L'8 Frevaro d'o 2006 vincette 'o premio chiù mpurtante d'a museca munniale, 'o Grammy, c'o ll'album Escucha, categoria Best latin pop album. Essa è 'a primma femmena taliana ca vince chesto premio. L'Italia nun 'o vinceva d'o 1958. Int'o stesso anno jette comme ospite 'o Festival 'e Sanremo e cantaje alcune suoje canzone, cchiù "Nel blu dipinto di blu" cu Eros Ramazzotti. Facette poi ascì p'a Festa d’’a fémmena nu singolo novo, "Uguale a lei", versione taliana d'a canzona "She" 'e Charles Aznavour.
Tre mise aroppo, 'o paese suoje, Solarolo, ce rette 'a cittadinanza onoraria pe avè purtato 'a Romagna int'o munno. Essa è pure Commendatore d'a Repubblica Taliana.
Sempe chill'anno, 'o 10 Nuvembre, ascette l'album "Io canto" ca tene tutte canzone 'e ate artiste taliani, e alcune duette, cu Juanes, Johnny Hallyday e Tiziano Ferro. Chesto album addiventaje 'o disco chiù vennuto d'Italia d'o 2006 in un mese e 'o sicunno d'o 2007.
'O 2 giugno 2007 Laura è stata 'a primma femmena a tenè nu cuncierto ô Stadio 'e San Siro c'o tutt' esaurito e 'e fan accurse 'a tutt'o munno. 'A chisto cuncierto è stato fatto nu DVD e cocche mese aroppo è fernuto pure encopp'a Italia 1. 'O 15 ottobre 2007 ascette ll'album novo 'e Andrea Bocelli ca cuntiene nu duetto cu Laura ca se ntitula Vivere/Dare to live.
LL'anno aroppo, a jennaro, Laura Pausini vincétte 3 Telegatti, comme Cantante dell'anno, Miglior disco (Io canto), e Miglior tour.
'O 14 novembre 2008 è asciuto nu nov'album 'e inedite, ntitulato Primavera in anticipo ca cuntene pure nu duetto c'o cantante ngrese James Blunt e na canzona scritta 'a Gianluca Grignani. Chillu stesso juorno Laura aggia appresentato ll'album novo a Roma, int'a na Piazza di Spagna chiena 'e fan e turiste. Ess'ave pure annunciato 'a data d'o novo tour: accumminciarrà 'o 5 marzo 2009.
This article uses material from the Wikipedia Nnapulitano article Laura Pausini, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.