Anna Tatangelo

Anna Tatangelo ha 'ccumenciato 'a carriera 'int'ô 2002, a sulo quinnece anne, essa vincette 'o Festival 'e Sanremo c'a canzona Doppiamente fragili. Semp int'ô 2002 cantaje Un nuovo bacio, cu Gigi D'Alessio, 'o suoje futuro 'nnammurato.

Attimo per attimo, è 'o primmo disco 'e Anna, ma pubbrecato 'int'ô 2003, ll'anno addò turnaje o' festival c'a canzona Volere volare, 'nzieme a Federico Stragà, e chella canzona arrivaje diciottesema.

Int'ô 2005 Anna pubbreca Ragazza di periferia, addò ce sta 'a canzona omonema ch'arrivaje terza a Sanremo 'int'a categoria Donne, scritt'a Vincenzo D'Agostino e Gigi D'Alessio. Ll'ate singoli 'e chill'anno songo Quando due si lasciano e Qualcosa di te.

Int'ô 2006 torn'a Sanremo c'a canzona Essere una donna scritt'a Mogol e Gigi D'Alessio, n'atu singolo 'e chill'anno è Colpo di fulmine.

Int'ô 2007 Anna pubbreca ll'album Mai dire mai, addò 'e canzone cchiù famose songo Averti qui e Lo so che finirà.

Int'ô 2008 'int'a ll'album Mai dire mai, ce sta l'omonimo singolo e Il mio amico, purtato a Sanremo addò ha duettato cu Michael Bolton, e 'o vintuno e Agosto partecepa comm'ospite ô Trofeo Birra Moretti, ô stadio San Paolo a Napule.

2003- Attimo per attimo

2005- Ragazza di periferia

2007- Mai dire mai