ملانی آوانسیان (بزائه ۲۷ خرداد ۱۳۶۴ تهرون) اتا ایرونی موزیسین هسته وه دبستان ره گه تموم هاکارده بورده موسیقی هنرستون و بعد از دیپلم بئیتن بورده ارمنستون و خاش تحصیل ره کنسرواتوار (هنرستان عالی موسیقی) دله تا کارشناسیارشد (ویولن سل نوازندگی) ادامه هدا.
سال ۲۰۰۸ بردگردسته ایران و ئهت سال و نیم ارکستر سمفونیک دله (اون مِسِم گه چکناواریان و صهبائی ونه رهبر بینه) ساز بزوئه تا اینکه خله اتفاقی با ئهتا فان آهنگ، فارسی بخوندستن ره شروع هاکارده. وه با معروف خونندهئونی مثل ساسی مانکن، تنیلر ،توایافام ، علیشمس و مسعود صادقلو هم فیت هدائه. ولی وشون نماهنگ دله بازی نکارده و اون زنونی گه نماهنگون دله درنّــه در واقع مدل هستنه گه ملانی جا صرفا لب زنّه.
ملانی | |
---|---|
بزائن | ۱۳۶۴/۰۳/۲۷ |
اصالت/ملیت | ایرانی |
سبکها | پاپ |
فعالیت(ئون) | نوازنده خوننده |
ملانی ئهتا ۱۲ ترکی آلبوم دارنه گه ون دله ارمنی خوندنه. این آلبوم فقط بصورت کنسرت ارمنی کلوپئون دله اجرا بَــیّه.
ونه پیر و مار هم موزیک کار کاردنه. ونه برار استیو آوانسیان بنیامین بهادری ارکستر دله درامز زنده و ونه خواخر رایسا آوانسیان هم ملانی واری خوننده هسته.
وه ئهتا نمایش دله بازی هاکارده گه تماشاخانه پالیز، صحنهٔ رو بورده و «پُک» نوم داشته و ونه کارگردون و تهیهکاننده بترتیب امیر سرافرازیان و علی احمدی بینه. ملانی همبازیون این نمایش دله امیر خبازی، نشاط امیرمهدی و بابک بهشاد بینه.
گروه گاسپل مدیا وه ره پیشنهاد هدا گه «زوتوپیا» دوبله دله شرکت هاکنه و وه هم گه از قبل صداپیشگی ره خله دوست داشته قبول هاکارده و این گروه جه بعنوان غزالِ دوبلُر همکاری هاکارده.
This article uses material from the Wikipedia مَزِروني article ملانی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.