ویدئوکا لیمبو
لیمبو (اینگلیسی جه: Limbo) اتا پازل-سکو ویدئو کا هسّه که اَتی ترسِ عنصرئون دی دارنه و پلی‌دد، که اتا مستقل ویدئوکا ساج استودیو هسّه وره بساته و جولای ماه ۲۰۱۰ وره تنک هاکرده.
لیمبو اتا 2D کار هسّه که کاکر نقش اتا بی نوم ریکا ره دارنه که شه خاخِر دمبال دره و کاکر ونه وره خطِرناک جائون دله یور بوره. کاسازئون، کایِ پازل‌ئون ره اینتی دیزاین هاکردنه که وشون انتظار داشتنه که کاکر اولین کَش باخت هاده و ای درستِ راه‌حل ره پیدا هاکنه.
| ||||
|---|---|---|---|---|
 | ||||
 | ||||
| سازنده | پلی‌دد | |||
| ناشر | پلی‌دد، مایکروسافت گیمز استودیو | |||
| انتشار گدر | ۲۱ ژوئیه ۲۰۱۰ (اکس‌باکس ۳۶۰) ۲ آگوست ۲۰۱۱ (مایکروسافت ویندوز) ۱۹ ژوئیه ۲۰۱۱ (شمالی امریکا) (پلی‌استیشن ۳) ۲۰ ژوئیه ۲۰۱۱ (اوروپا قاره) (پلی‌استیشن ۳) ۲۱ دسامبر ۲۰۱۱ (مک‌اواس) ۴ ژوئن ۲۰۱۳ (پلی‌استیشن ویتا) ۳ ژوئیه ۲۰۱۳ (آی‌اواس) ۲۳ ژوئن ۲۰۱۴ (لینوکس) ۵ دسامبر ۲۰۱۴ (ایکس‌باکس وان) ۱۱ فوریه ۲۰۱۵ (اندروید) ۲۴ فوریه ۲۰۱۵ (پلی‌استیشن ۴) ۲۸ ژوئن ۲۰۱۸ (نینتندو سوئیچ) | |||
| ورودی | گیم‌پد، کی‌بورد و تاچ اسکرین | |||
| سنی رج‌وَندی | ||||
| ||||
| رسمی سایت | رسمی سایت | |||
کد ره دچی‌ین - دچی‌ین  | ||||
کاسازئون، لیمبو ره سیو و اسپه رنگئون جا سراق هدانه و اَمبینت (ambient) ونگ ره به کار بوردنه تا اینتی اته جور ترسناک اتمسفر کا وسه دِرِس هکرد بوشن. اینتا کار جا کا نقدکرئون ره خله خِش بمو و باتنه اینتا کا نو‌آر فیلم و آلمانی امپرسیونیسم ره موندنه. نقدکرئون همینان وسه لیمبو ره اتا هِنِری ویدئو کا رج وندی هاکردنه.
لیمبو نقدکرئون دِلوس بییه، اما ونه کچیک و کِتاه آسنی وشون پَلی اختلاف دینگوئه، اتته دسّه باتنه ونه وا-بشتِ تِموم بَیِّن جول تِرِ معنی داشته کا ونه مکانیک جا خله خار دَوِست بَی بییه، دیر دسّه گتنه که ونه کچک آسنی کا خله جمندر تموم بیّه ونسه بد بییه و باتنه ونه ارزش ره جر بَورده. اتا اِشکال کا همه بئیت بی‌نه وه بییه کا اینتا کا قِیمِت ونه جمندر تموم بَیِّن جا تناسب ندارنه و تونده باعث بوو کاکرئون وره نخرینن، ولی دیر نقدکرئون گاتنه که اون تومی که ورده تا تموم بووه ایده‌آل بییه. این کا، بِت ترین کائون لیست دله قرار بیته.
لیمبو تنک بیّن په خله خار-خار بروته و ات خله جایزه بورده و ۲۰۱۰ سال که ونه تنک بین گدر بییه اتا از بت ترین کا ئون سال نوم بیته.
گیم‌پلی
کاکر اتا ریکا‌یِ کنترل ره دارنه. ریکا تونده چپ و راست دو بَیره ( ریکا تِند مِجِنه)، بَپِّره، کچیک لبه‌ئون جا لو بوره، یا کاتی‌ئون و رَسن‌‌ئون جه جول بوره و جِر بییه، و اشیائون ره کوس (هول) هاده یا بنه‌ی سر بَکِشه. لیمبو‌یِ پیرا (موحیط) تاریک هسّه ونه دله ات کم اَمبینت ونگ‌ئون هم دارنه. ونه تاریک نِما کومک کنده که خطر‌ئونی که وِجود دارنه پنهون بمونّه، بستینکلا تله ئون و توشمارئون کا ساها دله جا بخردنه، اتی سودار اجیک درنّه که شه خد ره دم دنّه ریکا‌یِ سر و وره مزراب الننه که فَقط ات وری بوره تا اون گدر کا ریکا وشون ره بَکوشه.
آسنی
لیمبو ره اصلی شخصیت اتا بی نوم ریکا هسّه که شه خاخِر چرخ دره، و اتا جنگل میون کا جهندم لو دره ویشار بونه( کایِ نوم ره لاتینی زوون جه بیتنه که این واجه برزخ معنی ره دنه.) و اینتا جنگل دله اتّا گت وندلی جه دیم به دیم بانه که تجنه تا ریکا ره بکوشه. ریکا اتّا تله پیدا کنده و ونه جا وندلی تِج لینگئون سر ره اَتی وِرینّه، و جنگل دله ویشتر یور شونه و تونده که پیش بوره. وه یور تر که بورده وندلی کالی دله کفنه و اونجه ماسِنه ولی تونده شه خدر ره در بوره، پِر توم نئونه که وه اتا کولونی ره رَسِنه که اونجه ریکائون درنّه که تِجِننه تا وره بکوشِن.
منبع
- 17 ارکه ماه 1535 تبری، این ولگ اینگلیسی ویکی‌پدیا جه ترجمه بیّه.
This article uses material from the Wikipedia مَزِروني article لیمبو (ویدئوکا), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.