آوریل رِمونا لوین یا اَوریل لِوین (انگلیسی جه: Avril Ramona Lavigne) (بزائه ۲۷ سپتامبر ۱۹۸۴) کانادایی خوننده، ترانهنویس، طراح مد و بازیگر هسته که ونه تیر و تبار فرانسه جه رِسِنّه.
وه بلویل، اونتاریو دله دنیا بموئه. وه ۱۵ سالگی گادر، شنایا تواین جه صحنه سَر بورده و ۱۶ سالگی گدر، آریستا جه قرارداد دوسته). سال ۲۰۰۲، لوین ۱۷ ساله، شه اولین آلبوم ره لت گو (معنی: رها هاکردن) نوم جه بساته.
آوریل لوین | |
---|---|
| |
اطلاعات هنرمند | |
واقعی نوم | آوریل رمونا لوین |
بزائن | ۲۷ سپتامبر ۱۹۸۴ (۳۹ سال) بلویل، انتاریو، کانادا |
اصالت/ملیت | کانادا |
سبکها | پاپ راک، پاور پاپ، پانک پاپ |
فعالیت(ئون) | موسیقیدون، آهنگساج، بازیگر، طراح |
ساز(ئون) | خوننده، گیتار الکتریک، گیتار، پیانو، درامز |
مودت کار | ۲۰۰۲–تاسا |
ناشر(ون) | آریستا، آرسیای |
نقشهای مرتبط | اون توبنفلد، دریک ویبلی |
وبگاه | avrillavigne.com |
سازهای برجسته | |
اسکوایر تلکستر (سیگنچر اوریل لوین) |
لت گو ِآلبوم جه لوین جوونترین «تکّی خوننده» بیّه که تا اون گادِر شه آلبوم ره بریتانیای پُرفروشترین آلبوم هاکرده. این آلبوم آمریکا دله هم موفق بییه و RIAA وه ره «چار پلاتین» ِگواهینومه ره هِدائه. تا سال ۲۰۰۹، بیش از ۱۶ میلیون نسخه این آلبوم جه دنیا دله بَروته بیّه که فقط ۶ میلیون متحده ایالات دله بییه. آوریل ِاتا ترانه که ونه نوم «کامپلیکتد» بییه هم لت گو واری خله کشورون دله اوِّلی ِرتبه ره بَییته. اوریل لوین دومی آلبوم، آندر مای اسکین هم سال ۲۰۰۴ بازارون دله تَنِک بیّه و این آلبوم بتونِسته متحده ایالات دله اولی ِرتبه ره بیلبورد ۲۰۰ دله بدستبیاره و بیش از ۱۰ میلیون نسخه دنیا دله بَروته بَیّه. سومین آلبوم هم د بست دامن سینگ بییه که سال ۲۰۰۷ منتشر بَیییه. این آلبوم سومین آلبومی بییه که لوین جه بتونسته اولی ِرتبه ره بریتانیای موسیقی آلبومهای جدول دله بیاره و ونه اولین تکآهنگ هِمراهی، «گیرل فرند» ، متحده ایالات ِبیلبورد هات ۱۰۰ دله دَیییه. لوین ِپنجتا تکآهنگ جهونی ِشماره یک دارنه که اینان ِنوم «کامپلیکَتِد»، «اسکیتر بوی»، «آیم ویت یو»، «مای هَپینگ اِند» و «گیرل فِرِند» هسته.
تا اِسا بیش از ۳۰ میلیون نسخه لوین ِآلبومها جهون دله بَروته بَیینه و اسا بیش از ۱۰،۲ میلیون کُپی RIAA جه بلحاظ بَروتِن ِپول جه آمریکای گتترین خونندهئون جه هسته. بیلبورد ِمجله لوین ره دَههی ۲۰۰۰ میلادی دله ۱۰مین خار ِخوننده معرفی کانده. ونه نوم آلبومهای ِبَروتِن وسّه و وشون فرهنگی تاثیر آمریکا دله، ۲۸اُمین رتبه ره «۲۰۰۰ ِدههی ِبتترین حرکتون» دله دانّه. سال ۲۰۱۱ هم آوریل ِچارومین آلبوم که گودبای لولابی بییه دَربموئه که ونه دله پیانو و گیتار جه خله استفاده هاکرد بینه و ونه شعرون ره لوین شه بنویشتبییه.
لوین کمکم موسیقی ِکنار فیلم و انیمیشن دله هم وارد بیّه و سال ۲۰۰۶ پرچم اون ور ِانیمیشن دله، اتا کاراکتر بَدِل گپ بَزوئه. وه همون سال فستفود نیشن ِفیلم دله اولین بار وسّه بازی هاکرده. سال ۲۰۰۸ اتا لباس ِبرَند که لوین ِبییه ره ابی داون نوم جه منتشر هاکردنه؛ ۲۰۰۹ ِسال دله اتجور عطر ره بلک استار نوم جه تولید هاکردنه و سال ۲۰۱۰ دومین عطر ره فُربیدن رُز نوم جه بساتنه.
ژوئیه ۲۰۰۶ لوین دریک ویبلی جه ازدواج هاکرده. ویبلی گروه سام ۴۱ ِاصلی خوننده و گیتاریست بییه که دِ سال لوین جه رَفِق بییه. این ازدواج ۳ سال دِووم بیارده و لوین اکتبر ۲۰۰۹ ونجه طلاق بِخاسته. ویبلی و لوین شه همکاری ره این طلاق په هم ادامه هِدانه؛ ویبلی لوین ِچارومین آلبوم و «آلیس» ِتکآهنگ ِتهیهکنندگی ره قبول هاکرده.
سال | اصلی نوم | مازرونی نوم | نقش | توضیحات |
---|---|---|---|---|
۲۰۰۲ | Sabrina, the Teenage Witch | ساربینا، نوجوون ِجادوکر | خادش | اجرای ترانه «اسکیتر بوی» |
۲۰۰۴ | Going the Distance | مسافتها ره بوردِن | خادش | «درک ره از دس هدائن» ترانهیِ اجرا |
۲۰۰۶ | Fast Food Nation | غذاخاءِ مِلِّت | آلیس | |
Over The Hedge | پرچیم ِاون وَر | هیتر | فقط صدا | |
۲۰۰۷ | The Flock | دسته | بیتریس بل | مظنون ِرفخ |
۲۰۰۹ | American Idol | امریکن آیدل | شه | مهمون قاضی |
۲۰۱۰ | Majors & Minors | ماژورون و مینورون | شه |
سال | مشخصات آلبوم | رتبه اوج جدول | گواهینومهها (بروتن سامون) | |||||||||
---|---|---|---|---|---|---|---|---|---|---|---|---|
کانادا | استرالیا | فرانسه | آلمان | ایرلند | هولند | نیوزیلند | سوئد | بریتانیا | متحده ایالات امریکا | |||
۲۰۰۲ | لت گو (رها هاکردن)
| ۱ | ۱ | ۱۳ | ۲ | ۱ | ۴ | ۱ | ۶ | ۱ | ۲ |
|
۲۰۰۴ | آندِر مای اِسکین (مه جلدِ بِن)
| ۱ | ۱ | ۴ | ۱ | ۱ | ۱۳ | ۷ | ۱۴ | ۱ | ۱ |
|
۲۰۰۷ | دِ بِست دامِن سینگ (بتترین چیئه لعنتی)
| ۱ | ۲ | ۳ | ۱ | ۱ | ۸ | ۲ | ۶ | ۱ | ۱ |
|
۲۰۱۱ | گودبای لولابی (خداحافظی ِلالایی)
| ۲ | ۱ | ۴ | ۴ | ۱۲ | ۱۱ | ۷ | ۱۰ | ۹ | ۴ |
|
ویکی تلمبار دله بتونّی پروندهئونی که آوریل لوین خَوری دَره ره پیدا هاکنین. |
شابلون:Wikiquote
This article uses material from the Wikipedia مَزِروني article آوریل لوین, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.