Шали
Шали́ (чеч.
Шела) — Россиянь Федерациянь Чеченэнь Республикасо ош. Шали буень ды Шали ошонь поселения муниципальной образованиянь административной куншкакуро.
| Шали | ||
| чеч. Шела | ||
 | ||
| Официальное название | чеч. Шела | |
|---|---|---|
| Официальный язык | чеченский язык[d] ды Рузонь кель | |
| Мастор | ||
| Является административным центром | Шалинский район[d] ды Шалинское городское поселение[d] | |
| Административно-территориальная единица | Шалинское городское поселение[d] | |
| Часовой пояс | UTC+3 | |
| Численность населения |
| |
| Высота над уровнем моря | 225 метр | |
| Площадь |
| |
| Почтовый индекс | 366300 | |
| Официальный сайт | meriyashali.ru(руз.) | |
| | ||
 Шали | ||
Географиясь
Ошось ашти Шали буень куншкавидьсэ, Лесистой хребетэнь ало, пандо икеле аштиця Чеченэнь равнинасо, Басс леенть кавто чирева. Ашти Аргун чугункань кинь станциянть эйстэ чинелеёнов 18 вп туро ды Грозной ошонть эйстэ чинеле-чилисема ёнов 36 вп туро. Региононь автомобильной китнень сюлмавкс.
Покшолмазо — 27,02 вп² (2009-це иень даннойтнень коряс).
Историясь
XIX-це пингень куншкавидьсэ Шались ульнесь Покш Чечнянь сехте покш аултнэнь эйстэ вейкекс. Стратегиянь аштеманзо коряс, Кавказонь войнань шкастонть аулось ульнесь Шамилень ушмотнень пурнавома таркакс, сынст кучнесть царень ушмотнень лангс кайсевеме.
1944-це иестэ чечентнэнь ды ингуштнэнь депортациядо мейле (тень теизь вийсэ) ды Чеченэнь-Ингушэнь АССРэнть упразднениядо мейле велентень макссть лем Междуречье.
Чеченэнь-Ингушэнь АССРэнть одс пурнамодо мейле, 1958-це иестэ эрямо таркантень велявтозель икелень лемезэ — Шали.
1990-це иестэ велентень максозель ошонь статусось.
1994—1996-це иень военной тевтне пек янгизь ошонть ды эрицянзо: маштозельть сядот ломанть, калавтозельть кудот, промышленностесь, транспортось, сюлмавомась (связесь), агропромышленной комплексэсь. Саемс ансяк вейке эпизод — кассетной бомбасо бомбамодонть 1995-це иень якшамковонь 3-це чистэ чавовсть 55 ломанде а седе аламо.
Чеченэнь омбоце войнанть пингстэ ошсонть истя жо мольсть виев тюремат. 2000-це иень якшамковсто митингентень, ков пурнавкшность боевиктне ды мирной эриця чарькодицяст, нолдазель "Точка У» тактической ракета, конадонть кулость сядот ломанть. Зярыя чинь ютазь ошось целанек саевсь федеральной ушмотнень алов.
2000-це иестэ саезь ошось парсте касы-кепети. Стявтовить эрямонь од кудот, социально-культурной ды спортонь объектт.
2012-це иестэ саезь ошонть куншкасо 5 гектарт мода лангсо, «Шали-сити» сэрей кудонь комплексэнть вакссо, стявтсть-кепедсть од мечеть, кодамо косояк арась, проектэнть тейсть Узбекистансто архитектортнэ. Мазыйстэ панжомазо сюлмазель республикань васенце президентэнть — Ахмат-Хаджи Кадыровонь — чачома чинтень ды ютась 2019-це иень умарьковонь 23-це чистэ. «Мусульманонь каштанчи» мечетентень, кона кармась улеме Европасо сехте покшокс, сеске кельгить 30 тёжат ломанть, маласо таркантень — 70 тёжат. 43 метрань сэрьсэ купол ды 63 метрань сэрьсэ минаретт марто зданиясь вельтязь грекень Тасос усиясто ашо мраморсо, конатась мекев ёрты валдонть ды пси чине кази экше. Кавто пель марто тоннадо ламо сталмосо кавксо метрань куншка люстрась ды 395 светильниктне мазылгавтнезь Swarovski кевнесэ ды сырнесэ. 5 гектаронь таркасо теезель 12 фонтан марто парконь зона. Тесэ озавтозь малав 2000 чувтот ды ламодояк ламо розат. Васня арсесть максомс мечетентень республикань прявтонь, Рамзан Кадыровонь, лементь. Панжомань церемониясонть яволявтозель Мухаммад пророконть лемсэ мечетенть лемдямодоЛопаПарцун:Численность городов России
- Кить эрицятне
2010-це иень эрицянь Весероссиянь сёрмалеманть коряс ошонть национальной составозо:
| Раськесь | Ламочись, лом. | Весе эрицятнестэ пельксэсь, % |
|---|---|---|
| чечент | 43 018 | 90,17 % |
| рузт | 2 578 | 5,40 % |
| кумыкть | 362 | 0,76 % |
| аварт | 279 | 0,58 % |
| казахит | 214 | 0,45 % |
| табасарант | 202 | 0,42 % |
| лият | 1 015 | 2,13 % |
| эзизь невте | 40 | 0,08 % |
| весемезэ | 47 708 | 100,00 % |
Транспортось
Важодить ошонь бусонь кото маршрутт.
Ошонь автовокзалсто ардтнить автобуст лия ошов — Грозноев, Гудермесэв, Аргунов, Урус-Мартанов, Хасавюртов ды Махачкалав.
Спортось
Футбол
Искусствасо
Омбоце чеченэнь войнань шкасто Шалисэ тевтеематненень алтазь Герман Садулаевень «Шалинский рейд» романозо.
Ош-побратим
Истя жо вант
- Кассетной бомбасо Шалинть бомбамозо
Невтевкст
- В Чечне прошло торжественное открытие реконструированного города Шали // РИА Новости, 11 мая 2018
Литературась
- Шали, аул // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
This article uses material from the Wikipedia Эрзянь (Erzjanj Kelj) article Шали, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0-сто муят мезе тесэ, бути лиякс апак ёвта. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Эрзянь (Erzjanj Kelj) (DUHOCTRUNGQUOC.VN) is an independent company and has no affiliation with Wiki Foundation.