Оганян, Армен

Васеньце эсинзэ эскелькстэнь Софья Тер-Оганян сценань лементь ало сон ушодынде армянот театрасо Баку ошсо. Тонавтнесь пластикань школосо Л. Р. Нелидовань Москов, ды Станиславскоень студиясо. Кой-зняро бути важодсь Вишка театрасо.

Зярдо тусь эрямо Персияв, сон кармась европань типень персиянь театрань ушодыцякс. 1910 иестэ Тегеран ошсо персиянь кельсэ ульнесь путозь Гоголень «Ревизор» комедиясь. Оганян ульнесь путыцякс ды Мария Антоновнань налксизе.

Персиясо Армен Оганян тонавтнесь чилисемань киштемат ды, ушодозь 1911 иестэ 1930-це иес, киштнесь ламо мастортнева кода «персиянь киштиця», васеньцеде невтсь профессиональной сцена лангсо се шкасто экзотикань чивалгомань ваныцятнень туртов кезерень Чилисемань ды антикань раськень киштемат. Сон сайсь лезекс армянонь, рузонь, персиянь седийсёрмадеень седямотнень, чамалазт (маскат) ды Айседора Дунканонь киштицянть «олянь киштема» методонть.

1913 иестэ Париж ошсо киштсь индийской ансамблянть марто, конань ветясь Инайят Хана профессорось. 1915 иестэ ульнесь лондононь концерттнесэ, конань анокстась Владимир Розинг. Оганян невсь истят киштемат: «Саломея», «В храме Анаит», «Измена», «Сводница», «Гашиш», «Великий хан Шемахи» ды седе тов. Киштсь Лондонсо, Брюссельсэ, Милансо, Софиясо, Бухарестсэ, Каирсэ, АВШ-нь оштнэва.

Хярдо кармась эрямо Парижсэ, Оганян эсинзэ оймензэ максызе литературас, кармась нолдамо автобиографическо книгат французонь кельсэ. Васеньцесь эйстэст — «Шамаханская танцовщица» Анатоль Франсонь икельце валонть марто (1918), кона ульнесь ютавтозь англань, немецень, испанонь, шведэнь, суоминь, ивритс кельтнень лангс. Мейле Оганян нолдынде «В когтях цивилизации» (1921), «В одной шестой части мира» (тештавкст сонзэ СССР-в артнеманть эйстэ, 1928), «Солист его величества» (1929) и «Смех соблазнительницы змей» (1931) книгатнень.

Эксцентрической артисткась ульнесь вечкумань сюлмосо пек содавиксэв ды сюпав парижэнь элитанть марто, ютксост ульнесть сёрмадей ды вийветидей Морис Баррес, артындей Эмиль Бернар (кона теизе сонзэ чамаартовксонзо ды сёрмадсь эйстедензэ «Персидская танцовщица» книганть), прозаикесь Андре Жермен, сёрмадеесь Натали Барни ды лият.

1927 иестэ Оганян лись мирденень Македонио Гарса мексиканонь дипломатонть-коммунистэнь вакс, мейле кармась эрямо Мексикассо. Оганян совась Мексикань коммунистэнь партияс. Ютавтсь рузоньстэ испанонь лангс, сёрмадсь монографият испанокс рузонь, советэнь ды мексиканонь литературадонть, невтемс, «Лев Толстой (1828—1910): жизнь, эпоха, произведения» (Мадрид, 1934), «Путь Горького — наш» (Мехико, 1935), «Марксистский анализ испанской литературы» (Мехико, 1937), «Счастливая Армения» (Мехико, 1946), «Мексика и культура» (Мехико, 1967) ды лият. Сехте пек эсинзэ сёрмадвкстэнь эйстэ сон питне каясь «Мечта изгнанника» поэманть кис, кона ульнесь сёрмадозь армянонь кельсэ.

1958 иестэу Оганян мирьдензэ марто сакшнось Советэнь Союзсо, ульнесь истя жоАрмениясо ды литературань ды искусствань Ереванонь Музеентень казизе эсинзэ архивстэ пельксэнть.

• La danseuse de Shamakha, Grasset, Paris, 1918.
• Dans les griffes de la civilisation, Grasset, Paris, 1921.
• Dans la sixième partie du monde (voyage en Russie), Grasset, Paris, 1928.
• Le soliste de Sa Majesté, B. Grasset, Paris, 1929.
• Les rires d’une charmeuse de serpents, Les Revues, Paris, 1931.
• Leon Tolstoi (1828—1910). Su vida, su época, su obra, Editorial Cimientos, Madrid, 1934.
• La ruta de Máximo Gorki es la nuestra, Editorial Cimientos, México, 1935.
• Un análisis marxista de la literatura española, Ediciones de la Liga de Escritores y Artistas Revolucionarios, México, 1937.
• Las guerras campesinas en Rusia y Tolstoi, Editorial Cimientos, México, 1939.
• Clásicos mexicanos. Ruiz de Alarcón. Juana de Asbaje. Lizardi, Editorial Cimientos, México, 1939.
• El sentido clasista del romanticismo y Alejandro Pushkin, Editorial Popular, México, 1938.
• Armenia feliz, Editorial Cimientos, México, 1946.
• Literatura española medieval y clásicos mexicanos, Editorial Cimientos, México, 1956.
• México en la cultura, Editorial Cimientos, México, 1967.
• Recuerdos del Cáucaso pre-revolucionario y de mis andanzas por el mundo, primer tomo, México, Editorial Cimientos, 1969.

• Арцви Бахчинян, Вардан Матеосян, Шамаханская танцовщица. Жизнь и творчество Армен Оганян, Ереван, 2007 (на арм. яз.).
• Магдалина Затикян, Шамаханская танцовщица