Инан, Жале

Стамбулонь университетэнь классической археологиянь профессор. Содавиксэв кода васенце туркань ава-археологзей.

Инан, Жале
тур. Jale İnan
чачома лем	тур. Jale Oğan
чачома чись	даволковонь 1 чи 1914(1914-02-01)
Чачома тарка	Стамбул ош, Османонь империя[d]
Кулома чись	даволковонь 26 чи 2001(2001-02-26) (87 иеть)
Кулома тарка	Стамбул ош, Турция Мастор
Мастор	Турция Мастор
Важодема ёрокчизе	archaeological monument keeper, классический археолог, университетэнь тонавтыця, археологзей
Тетязо	Aziz Ogan[d]
Полазо	Мустафа Инан[d]
Жале Инан

Жале Инан чачсь 1914 иестэ даволковонь 1 чистэ Оганонь Азизэнь археологиянь музеенть прявтонь семиясо. Тейтерезэ тусь тетянь пильгень челькска ды теевсь истя жо археологзеекс. 1934 иестэ Жале Инан прядызе тейтерень куншкань школанзо ды тусь тонавтнеме университетс, косо васня тонавтнесь медицинанть, сестэ Турциясо эзть ульне археологиянь кафедра. 1935 иестэ сонензэ максть стипендия, кона максь тензэ ардомс тонавтнеме Берлин ошов Германонь археологиянь институтс. Тонавтнесь классикань археологиянть истя жо Мюнхен ошсояк, 1943 иень эйзюрковсто идизе докторонь диссертациянть «Kunstgeschichtliche Untersuchung der Opferhandlung auf römischen Münzen» Герхардонь Роденвальдэнь профессоронть ведямонть алдо. Секе 1943 иестэ сон велявтсь Турцияв, косо теевсь Стамбулонь университетэнть кезэрень историянь ды нумизматиканть кафедрань лездыцякс. 1944 иестэ сон лись мирденень Мустафонь Инанонь инженерэнть вакс, кона мейле карми Стамбулонь технической университетэнть профессорокс. 1947 иестэ сон тееви лездыцякс Арифэнь Мюфидэнь Манселень, классической археологиянь васенце туркань профессоронть. Сонзэ марто вейсэ ульнесь сокарямсо.

1953 иестэ ютызе хабилитациянь процедуранть ды 1963 иестэ сонензэ максозь профессор лемесь. 1975 иестэ сон полавтызе Манселень кафедрань прявтокс важодемасонть ды ветясь кафедранть 1983 иенть видс. Сон ульнесь Германонь ды Австриянь археологиянь институтнэнь улицякс. Сонзэ паксянь сокарямотнэ Перге ошсо ды Сиде ошсо теевсть юрокс Турциянь архитектурань кеврунгонь ванстомантень.

Жале Инан алтомантень Анталиянь авань музеесь эрьва ие максы «Иень ава ломань» казне.

• Roman and early Byzantine portrait sculpture in Asia Minor. London 1966. (вейсэнь сёрмадей)
• Roman sculpture in Side. Ankara 1975, (Researches in the region of Antalya; 8).
• Römische und frühbyzantinische Porträtplastik aus der Türkei. Neue Funde. Mainz 1979, ISBN 3-8053-0391-2. (вейсэнь сёрмадей)
• Toroslar’da bir antik kent: Lyrbe? Seleukeia? = Eine antike Stadt im Tauros-Gebirge. Ankara 1998. (Kazi monografileri dizisi; 5). ISBN 975-7538-93-0.
• Perge’nin Roma Devri Heykeltraşlığı, Band 1: Istanbul 2000, ISBN 975-6899-50-6, Band 2: Istanbul 2003, ISBN 975-6899-87-5.

• N. Basgelen, M. Lugal (Hrsg.): Festschrift für Jale İnan. Istanbul 1989, ISBN 975-7538-06-X.
• Wolfgang Radt: Jale Inan. in: Gnomon 74, 2002, S. 285—288.
• Angelika Dierichs: Ein Leben für die Archäologie. Jale Inan, die erste türkische Archäologin. in: Antike Welt 36,2 (2005) S. 42-44.