Вера Николаевна Белицер (1903-1983) — советэнь учёной, историянь наукань доктор, этнограф, полевой исследователь.
Белицер, Вера Николаевна | |
---|---|
чачома чись | чадыковонь 5 чи 1903 |
Чачома тарка | |
Кулома чись | чадыковонь 2 чи 1983 (79 иеть) |
Кулома тарка | |
Мастор |
Чачсь 1903-це иестэ Рязаньсэ. 1925-це иестэ прядызе МГУ-нь общественной наукань факультетэнь этнолого-лингвистической отделениянть. 1925-1941-це иетнестэ - Московсо Народоведениянь музеень важодиця. 1941-43-це иетнестэ - эвакуациясо. 1943-це иестэ мольсь тонавтнеме Московсо СССР-нь НА-нь Этнографиянь институтонь аспирантурас. 1945-це иестэ идизе «Народная одежда удмуртов. Материалы к этногенезу» теманть коряс кандидатской диссертациянзо. 1945-це иестэ саезь 1952-це ие видьс ютавтнесь этнографической экспедицият коми-пермяконь весе основной этографической группатнень эрямо таркатнесэ. 1959-це иестэ идизе коминь этнографиянть коряс докторонь диссертациянзо. Кулось1983-це иестэ Московсо.
В.Н. Белицер ваннось Поволжьянь ды Прикамьянь раськетнень - эрзятнень, удмурттнэнь, башкиртнэнь, коми-зырянтнэнь, коми-пермяктнэнь, чуважтнэнь этнографияст. "Очерки по этнографии народа коми" (1958) важодевкссэнзэ келейстэ ванны коминь материальной культуранть ды эрямо койтнень, этнической историянь кевкстематнень ды келень ёнкстнэнь. Сэрей тёкшт В.Н. Белицер сайсь Поволжьянь ды Прикамьянь раськетнень - комитнень, удмурттнэнь, эрзятнень, чуважтнэнь - традиционной оршамопелест ванномасо. Результаттнэ невтезь зярыя монографиясо.
Козлов В. И. Вера Николаевна Белицер / В. И. Козлов, Т. П. Федянович // Этнографическое обозрение. 1994. № 1. С. 149-152. Федянович Т. П. Исследования В. Н. Белицер финно-язычных народов Поволжья и Приуралья // Этнографическое обозрение. 2004. № 5. С. 112-125
This article uses material from the Wikipedia Эрзянь (Erzjanj Kelj) article Белицер, Вера Николаевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0-сто муят мезе тесэ, бути лиякс апак ёвта. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Эрзянь (Erzjanj Kelj) (DUHOCTRUNGQUOC.VN) is an independent company and has no affiliation with Wiki Foundation.