Абажа Лопа

 

Рана тунда лисисть ашола нетькскеть, конатнень прясост ожо цецинеть. Цецямодо мейле теке ундоксонть эйстэ кармить касомо валоня келей пиже лопат, алксост ашот, вельтязь чевте понынесэ. Касы сёвонев модасо, лей чирева, латкова, пандо чамава.

Ловови ормадо лезэв тикшекс, пурныть лопанзо тунда, костить кошсо эли пекстазь чистэ таркасо 40—50 °С температура марто.

Лопатнестэ ды цецятнестэ теить ламбамо ведь, симить тевелявонь экшендемстэ, шождалгавты козомонть. Цецятнестэ мекштне саить медярво.

Наукань (латинэнь) буень лемесь лат. tussilago, inis саеви лат. tussis, is («козома») ды лат. ago, egi, actum, ere («панемс») валтнестэ — «шождалгавты козомонть».

• (горниповонь цецяка, начко лопа, од авань лопа, од авань чама лопа, ожопря, ожопря цеця)
• ватракшлопа, лиякс: кавто лопань тикше, лейтикше — синоним: абажалопа — (лат. Tussilágo, руз. Мать-и-мачеха обыкновенная)
• Ицял буень Полдаська велесэ тензе мерить абажа лопа.
• Покш Килейбуень Ало велесэ (Чёрная Промзасо) мерить ватракш лопа.
• Кочкурбуень Давыд велесэ мерить горниповонь цецяка, Сурвелесэ — од авань чама лопа.
• Ульянонь ёнксонь Николаень буень Мордовский Канадей велесэ мерить лей тикше, Губашево велесэ цецятнеде мерить озяз ловсо.

•  
  цецятьнэ эзть панжово
•  
  цецясь панжовсь
•  
  Эмежесь (вейкевидьме)
•  
  цецямодо мейле