«Калевала» морокерькс (суом.
Суоминь ды карелэнь раськетнень туртов сынст «Калевалась» — раськень сюпавчист. Суомитнень туртов сон топавтызе васеньчинзэ: пувтынзе-вельмевтинзе превсэст-седейсэст раськень ёжомарямотнень, вейсэндизе ды кемекстызе суоминь нациянть. 1917 иестэ Суомись кармась кидеяк а аштиця масторокс. Кавто войнатнесэ Советской империянть каршо «Калевалась» кемекстась суоминь раськенть ойме виензэ.
«Калевалась» кода арсевкс-теевкс — шедевр, вадрядояк вадря невтевкс кода од литературатнень истя касозь литературатнень туртовгак. Сон саи мель кода эсь вадря формасонзояк истя ломанень вечкема потсонзояк. Сонзэ эрьва моропельксэсь, эрьва лопинесь — тёкшос кепедезь поэзия.
Ловныцятне муить эйсэнзэ кенярксонь ды оймень витема лисьмапря. Кие карми ловномо седе пштистэ, се несы, кода пек ламоксть понгонить эйсэнзэ валт, конатнень юрост сёрмадови вейкетьстэ, кода суоминь, истя эрзянь кельтнесэяк. Авейкетьксчист ансяк вейкесэ: суоминь валось сёрмадозь латинэнь ловноматешксэ, а эрзянсесь — рузонь. Карадо каршо сёрмадовксось лезды ловныцянтень эсь сельмсэ неемс: суоминь ды эрзянь кельтне (kieli) — пек малавикст.
Эрьва ие, даволковонь 28 (комськавксовоце) чистэнть, тешкстневи «Калевалань» Чи. Самай се чистэнть, 1835 иестэнть, те ине морокерьксэнь пурныцясь-теицясь, эсь прянзо ломанень икеле апак невтне, каштангалемавтомо, тешкстызе-сёрмадстызе икельцвалонть эсь ладсевксэнзэ-теевксэнзэ кавто ловноматешкссэ — «E.L.»(Элиас Лённрот). Теде мейле кедьсэсёрмадовксонзо сон максызе типографияс. 1835—1836 иетнестэ те морокерьксэсь лиссь кавто книгасо пек вишкинька, ансяк 500 экземпляронь, тиражсо. Тень лангс апак вано Лённрот поладызе важодеманзо поэманть лангсо седе тов кемнилее иень перть. Педе пес эпосонь морокерьксэсь прядозель ды нолдазель ломанень сельме икелев 1849 иестэнть. Те шкантень сондензэ кармасть содамо Европанть келес. XX пингестэнть эйстэдензэ содавиксчись сравтовсь весе Модамасторонть ланга.
Тедеде педе пес прядозь «Калевалантень» топоди 150 иеть. Неть иетнень перть сон ютавтозель 45 кельс. Киртязь ютавтовкст лововить малав 150. «Калеваланть» лангс ванозь ды сонзэ ёжонзо-виензэ марязь ламо лияяк раськень ломанть кармасть ловомо эйсэнзэ невтемакс раськеёжомарямонь кепедема шкатнестэ. Эрзякс васенцеде сняртнесь ютавтомонзо содавикс од эрзянь ютавтыця Владимир Рябов 1935 иестэ.
Лангозонзо ванозь пурнызь эсь раськень эпосост: эстэсь Ф. Крейцвальд — эстононь «Калевипоэгенть», американь цёрась Г.Лонгфелло — «Моронть Гайаватонь кувалма». «Калеваланть» оймезэ певерьдсь видметь Латышень масторонть лангскак, косо латышесь А.Пумпур пурнась латышень эпос «Лачплесис». Эрзятнененьгак ней ули мейсэ каштангалемс — А. М. Шаронов пурнызе ды теизе минек раськенть эпосонзо — «Мастораванть». Улить эрзянь кельс «Калеваланть» ютавксгак.
Ушодома моро, стихтне 1-102. Менельавась валги иневедень толконпряс, косо пекии варманть ды веденть пельде ды тееви Ведьавакс, с.103-176. Яксярго теи пизэ Ведьаванть кумажанзо лангс ды канды алт, с.177-212. Алтнэ кеверить пизэстэнть ды тапсевить, пелькскетнестэ тееви модась, менелесь, чипаесь, ковось, пельтне, с.213-244. Ведьавась теи ведьулот, мода нерьть-чиреть, домка ды алка таркат иневедьсэнть, с.245-280. Вяйнямёйнен чачи Ведьаванть эйстэ. Сонзэ кувать кандтнить толконтнэ. Окойники сон лотки ды лиси ведьстэнть мода лангс, с.281-344.
Суоминь кельсэ | Эрзянь кельсэ(ютавксось Э. Вежаень) | Эрзянь кельсэ (ютавксось В. Рябовонь, орфографиясь ды сёрмадома лувось кадозь сёрмадыцянть) | ||
Mieleni minun tekevi, aivoni ajattelevi | Мель превсэм вельмесь, арсема теевсь: | Вейке снартнема сась монень, Прясон шачсь вейке арсема — | ||
hampahilleni hajoovat. | 10 | кснавокс кеверить. | 10 | Сырнень ялгинем—лелинем! |
Veli kulta, veikkoseni, kaunis kasvin kumppalini! | Седейбелькскем, сырнень браткем, эйкакшпингень вечкень ялгам, | Эйкакш чинь пек питней ялгам! Эрь моратам мартот вейсэ, | ||
poloisilla Pohjan mailla. | 20 | чаво Похьянь келетнесэ. | 20 | Эно, максыть монень кедест, |
Lyökämme käsi kätehen, sormet sormien lomahan, | Кедьте кедьс минь кундатано, суронь сур минь сювордтано, | Суронок минь вейс путсынек, Содазь, парт морот моратан, | ||
Kalevalan kankahilta. | 35 | Калевалань вирьсэ-кальсэ. | 35 | Узеренень кечкень теезь, |
Niit ennen isoni lauloi kirvesvartta vuollessansa; | Сынст тень тетям морсилинзе, узерькечкень валакалезь, | Икеле тетям сынст морыль; Пакарензэ экшсэ аштезь | ||
Lemminkäinen leikkilöihin. | 50 | Лемминкяйнен – киштемасо. | 50 | Налксезь кулось Лемминкяйнек |
Viel on muitaki sanoja, ongelmoita oppimia: | Улить ламо лия морот, ламо озксвалт лият содан, | Эрьва мезть ламо мон содан, Лият валт ламо монь улить, | ||
vein kelkalla kotihin, | 75 | ускинь нурдсо эсь кудозом, | 75 | Утомо вельтямо алов. |
rekosella riihen luoksi; panin aitan parven päähän | озоккесэ – эсь ригазом; путынь утомс лався пряс Тарго ёвкстнэ — тарькс таркасо, | Пижень паргосо сынст кекшинь. Якшамосонть морот кувать, | ||
suorin solmun sommelolta? | 90 | Кесак сюлмотне нолдтнемат? | 90 | Юксемс арась кеме сюлмонть? |
Niin laulan hyvänki virren, kaunihinki kalkuttelen | Мором виевстэ серьгедьса, седе мазыйстэ поладса, | Мон моран пек вадря моро, Кандыньдеряйть монень кия | ||
päivän kuulun kunniaksi, | 100 | юты чинть туртов ды содавиксчис, | 100 | Вандый чизэ ушодоволь. |
Те лопась совавтови кочказ лопас Эрзянь Википедиясо. |
This article uses material from the Wikipedia Эрзянь (Erzjanj Kelj) article Калевала, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0-сто муят мезе тесэ, бути лиякс апак ёвта. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Эрзянь (Erzjanj Kelj) (DUHOCTRUNGQUOC.VN) is an independent company and has no affiliation with Wiki Foundation.