Алаев, Михаил Константинович
Михаил Константинович Алаев (1925 сундерьковонь 21 чись — 1945 (?) куломачись ды таркась а содавикс) — гвардиянь ушман, гвардиянь леднема полконь 216-це пельксэнь прявт.
Орден Славань 3 эскельксэнь кантниця. Эрзя.
| Алаев, Михаил Константинович | |
|---|---|
| чачома чись | сундерьковонь 21 чи 1925 |
| Чачома тарка | |
| Кулома чись | чадыков 1945 (19 иеть) эли панжиков 1945 (19 иеть) |
| Мастор | |
| Важодема ёрокчизе | военнослужащий |
| казнеть ды медальть |   |
.svg){kind=small}
Эрямопингезэ
Чачсь 1925 иень сундерьковонь 21 чистэ неень шканьТатаронь Республикань Альметьевень буень Васильевка велесэ. Прядсь 7 класст. Важодсь колхойсэ.
1943 якшамковстэ саезель Важодицянь-сокицян Якстере Армияв Ново-Письмянской райвоенкоматонь кувалт (неень шкане Татаронь Республикань Лениногоронь буе). Анокстамодо мейле 1943 иень чадыковсто кучозель туремакиксэв. Весе туремашказо ульнесь ютавтозь 79-це гвардиянь леднема дивизиясо 216-це гвардиянь леднема полксо. Секе жо полксо служась Ставниченко, Григорий Илларионович, конась истяжо ульнесь колмо Орден Славань кантниця, якасть вейке атакас.
1944 иень медьковонь 19 чистэ Любо́мль (укр. Лю́бомль) ошонть кисэ туремасо Алаев Михаил сонсь автоматсо леднемстэ маштсь 12 фашистт.
1944 иень умарьковонь 27 чинь Кармавтомань коряс Алаев Михаил Константинович гвардиянь ушманось казезель 3-це эскельксэнь Славань орденсэ.
1945 иень якшамковонь 14 чистэ Висла леень кершёно, Цициновка тарканть маласо, конась ашти пелевеёнсов Радом ошсто (Польша Мастор), Алаев гвардиянь ушманось васенцекс каятотсь ятонь траншеяс ды автоматсто маштсь 12 фашистт ды 3 сайсь полонс.
1945 иень даволковонь 25 чинь Кармавтомань коряс Алаев Михаил Константинович гвардиянь ушманось казезель 2-це эскельксэнь Славань орденсэ.
Алаев Миша невтизе прянзо Берлин алояк, 1945 иень 14.04-2.05 читнестэ. Атакань шкане стясь васенцекс ды каятотсь ятонь траншеяс, маштынзе тосо аштицятнень ды лоткавтызе пулемётонть ледницянзо марто. Чадыковонь 19 чистэ Долгелин чугункань кинь лотксема таркань кисэ туремань шкане ветинце лия ушмантнэнь ятонь лангс, чавсь 3 фашистт ды вейкенть лаизе полонс.
СССР-нь Верьце Советэнь Аштемэземень Мереманзо кувалт 1946 иень панжиковонь 15 чистэ Алаев Михаил Константинович гвардиянь ушманось казезель 1-це эскельксэнь Славань орденсэ. Истя кармась колмо эскельксэнь Славань орденонь кантницякс.
Казезель истя жо зярыя медальсэ, сынст ютксо "Отвагань кисэ".
Теде башка содамочись эйстэдензэ арась. «Мемориал» сайтонть коряс ловови ёмазь содамочивтеме 1945 иень чадыковсто-панжиковсто. Кой-кодамо сайтсэ ловнови "одс калмазь Иена ошсо Германия Масторсо".
Лемень кундамозо
- Пельскеврунго тензэ стявтозель Альметьевск ошсо.
- Васильевка велесэ Молодёжной куронь 2-це кудо лангсо ашти Алаевень М.К. леменькундамо лаз
- Васильевка велень школань музейсэ теезь Алаевнень алтазь невтелма
Невткеть
Михаил Константинович Алаев. «Масторонь маралят» вальмась. Ваннозь 1 Таштамковонь 2014.
Сондензэ сёрмадовкстнэ
- ЛопаПарцун:Книга:Герои Советского Союза
This article uses material from the Wikipedia Эрзянь (Erzjanj Kelj) article Алаев, Михаил Константинович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0-сто муят мезе тесэ, бути лиякс апак ёвта. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Эрзянь (Erzjanj Kelj) (DUHOCTRUNGQUOC.VN) is an independent company and has no affiliation with Wiki Foundation.