La Rádio e Televisão de Portugal (an mirandés: Rádio i Telbison de Pertual, RTP) ye ua ampresa statal pertuesa que anclui staçones de rádio i telbison públicas.
Antes de l anho de 2004, la Radiodifusão Portuguesa (RDP) i la Radiotelevisão Portuguesa (RTP), ampresas públicas de rádio i telbison respetibamente, stában apartadas i éran antidades jurídicas andependientes i çtintas. An 2004, fúrun restruturadas i ajuntadas nua única ampresa pública, la Rádio e Televisão de Portugal. Zde antoce, la sigla RTP passou a chamar-se pul grupo anteiro de Rádio e Televisão Públicas.
La RTP stá çponible ne ls paízes de lhéngua pertuesa, cumo l Brasil, Cabo Berde, Guiné-Bissau, San Tomé i Príncepe, Angola, Moçambique, Timor-Leste, Guiné Eiquatorial, Macau na China, an Goa, Daman i Diu na Índia, ancluindo tamien ls paízes adonde hai quemunidades pertuesas numarosas, an Fráncia, Almanha, Suíça, Luxemburgo, Reino Ounido, Stados Ounidos de la América, Canadá, África de l Sul, Benezuela i Argentina atrabeç de la RTPi. Atualmente, la RTP Internacional stá persente an quaije todos ls paízes i regiones de l mundo, ancluindo, por eisemplo, Santa Heilena, Reunion, Seicheles, Curaçao, antre tantos outros territórios.
Ye nembro fundador de la Ounion Ouropeia de Radiodifuson (EBU) i nembro de la Ourganizaçon de las Telquemunicaçones Eibero-amaricanas (OTI).
This article uses material from the Wikipedia Mirandés article Rádio e Televisão de Portugal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.