L Norte ó Region de l Norte ye ua region ó ounidade territorial para fines statísticos de nible II (NUTS II), de Pertual, que cumprende ls çtritos de Biana de l Castielho, Braga, Porto, Bila Rial i Bergáncia, i parte de ls çtritos de Abeiro, Biseu i Guarda.
Lhemita la norte i la lheste cun Spanha (Galiza i Castielha i Lhion, respetibamente), la sul cula Region Centro i l'oeste cul Ouceano Atlántico. Acupa ua ária de 21 278 Km² (24% de l território de Pertual cuntinental), ye habitado por 3 745 246 (dados de 2007, 37% de la populaçon pertuesa) i antegra uito subregiones ó ounidades de nible III (NUTS III):
La Region de l Norte cumprende 86 cunceilhos (27,8% de l total nacional).
Las cidades mais amportantes i stóricas de la Region de l Norte son l Porto, Braga, Guimaráes, Biana de l Castielho, Bila Real, Bergáncia, Lhamego, Chabes, Miranda de l Douro, Penafiel, Amarante i Barcelos.
Cumo ounidade admenistratiba, la Region de l Norte fui criada, an 1969, cumo region de planeamiento, subdebidida nas subregiones de l Lhitoral Norte (agrupando ls çtritos de Biana de l Castielho, Braga i Porto) i de l Anterior Norte (agrupando ls çtritos de Bila Rial i Bergáncia). Mais tarde, ls sous lhemites fúrun sendo altarados, de modo que, hoije, nun coinciden culs lhemites çtritales. An 1986, ne l ámbito de la debison de l paíç an ounidades territoriales para fines statísticos, seguindo las diretibas ouropeias, passou a ser cunsidrada ua NUTS II, sendo subdebidida an NUTS III.
An tenermos geográficos, la Region de l Norte, corresponde, aprossimadamente, a las antigas porbíncias de Antre-Douro-i-Minho i de Trás ls Montes.
This article uses material from the Wikipedia Mirandés article Region de l Norte (Pertual), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.