ꯂꯤꯑꯣꯟ ꯅꯤꯀꯣꯂꯥꯁ ꯕ꯭ꯔꯤꯂꯣꯏꯟ (ꯐ꯭ꯔꯦꯟꯆ: ; ꯑꯣꯒꯁ꯭ꯠ ꯷, ꯱꯸꯸꯹ – ꯑꯣꯛꯇꯣꯕꯔ ꯴, ꯱꯹꯶꯹) ꯑꯁꯤ ꯐ꯭꯭ꯔꯥꯟꯁꯀꯤ ꯐꯤꯖꯤꯁꯤꯁ꯭ꯠ ꯑꯃꯅꯤ ꯫ ꯃꯍꯥꯛꯅꯥ ꯀꯨꯋꯥꯟꯇꯝ ꯃꯦꯀꯥꯅꯤꯛꯁ, ꯑꯦꯇꯃꯣꯁ꯭ꯐꯤꯌꯔꯗꯥ ꯔꯦꯗꯤꯑꯣ ꯋꯦꯕ ꯄ꯭ꯔꯣꯄꯥꯒꯦꯁꯟ, ꯁꯣꯂꯤꯗ ꯁ꯭ꯇꯦꯠ ꯐꯤꯖꯤꯛꯁ, ꯑꯃꯁꯨꯡ ꯏꯅꯐꯣꯔꯃꯦꯁꯟ ꯊꯤꯑꯣꯔꯤꯗꯥ ꯃꯇꯦꯡ ꯄꯥꯡꯈꯤ ꯫
ꯕ꯭ꯔꯤꯂꯣꯏꯟ ꯐ꯭ꯔꯥꯟꯁꯀꯤ ꯄꯦꯔꯤꯁꯀꯤ ꯃꯅꯥꯛꯇ ꯂꯩꯕ ꯁꯦꯚ꯭ꯔꯦꯁꯇꯥ ꯄꯣꯛꯈꯤ ꯫ ꯃꯍꯥꯛꯀꯤ ꯃꯄꯥ ꯃꯥꯔꯁꯦꯜ ꯕ꯭ꯔꯤꯂꯣꯏꯟ, ꯃꯄꯨꯅ ꯏꯂꯦꯎꯊꯦꯔ ꯃꯥꯁ꯭ꯀꯥꯔꯠ ꯑꯃꯁꯨꯡ ꯄꯨꯔꯦꯜꯅ ꯆꯥꯔꯂꯁ ꯕ꯭ꯔꯤꯌꯣꯠꯁꯨ ꯐꯤꯖꯤꯁꯤꯁ꯭ꯠ ꯑꯣꯏꯔꯝꯃꯤ ꯫
꯱꯹꯰꯸ꯗꯒꯤ ꯱꯹꯱꯲ ꯐꯥꯑꯣꯕ ꯕ꯭ꯔꯤꯂꯣꯏꯟꯅ ꯄꯦꯔꯤꯁꯀꯤ ꯏꯀꯣꯜ ꯅꯣꯔꯃꯦꯜ ꯁꯨꯄꯔꯤꯌꯔꯗꯥ ꯐꯤꯖꯤꯛꯁꯀꯤ ꯃꯇꯥꯡꯗꯥ ꯇꯃꯈꯤ ꯫ ꯱꯹꯱꯱ꯗꯒꯤ ꯃꯍꯥꯛ ꯖꯤꯟ ꯄꯦꯔꯤꯟꯒꯤ ꯃꯈꯥꯗ ꯇꯃꯈꯤ, ꯱꯹꯱꯲ꯗꯥ ꯂꯨꯗꯕꯤꯒ ꯃꯦꯛꯁꯤꯃꯤꯂꯤꯌꯥꯟ ꯌꯨꯅꯤꯚꯔꯁꯤꯇꯤ ꯑꯣꯐ ꯃ꯭ꯌꯨꯅꯤꯈ (ꯑꯦꯜ.ꯑꯦꯝ.ꯌꯨ.)ꯗꯥ ꯆꯠꯈꯤꯕꯥ ꯐꯥꯎꯕ, ꯑꯦꯜ.ꯑꯦꯝ.ꯌꯨ.ꯗꯥ ꯃꯍꯥꯛꯅꯥ ꯑꯥꯔꯅꯣꯜ ꯁꯣꯃꯔꯐꯦꯜꯗꯀꯥ ꯂꯣꯏꯅꯅ ꯊꯤꯑꯣꯔꯤꯇꯤꯀꯦꯜ ꯐꯤꯖꯤꯛꯁ ꯇꯝꯈꯤ ꯫ ꯕ꯭ꯔꯤꯂꯣꯏꯟꯅ ꯑꯦꯜ.ꯑꯦꯝ.ꯌꯨ.ꯗꯥ ꯌꯧꯔꯀꯄꯒꯤ ꯊꯥ ꯈꯔꯒꯤ ꯃꯃꯥꯡꯗꯥ ꯃꯦꯛꯁ ꯚꯣꯟ ꯂꯥꯎꯅꯥ ꯃꯍꯥꯛꯀꯤ ꯑꯦꯛꯁꯄꯔꯤꯃꯦꯟꯇ ꯑꯗꯨ ꯀ꯭ꯔꯤꯁ꯭ꯇꯦꯜ ꯂꯦꯇꯤꯁ ꯑꯃꯗꯥ ꯑꯦꯛꯁ-ꯔꯦ ꯗꯤꯐ꯭ꯔꯦꯛꯁꯟ ꯎꯠꯇꯨꯅꯥ ꯄꯥꯡꯊꯣꯛꯈꯤꯕꯅꯤ ꯫ ꯱꯹꯱꯳ꯗꯥ ꯃꯍꯥꯛ ꯐ꯭ꯔꯥꯟꯁꯇ ꯑꯃꯨꯛ ꯍꯟꯅꯥ ꯄꯦꯔꯤꯁ ꯌꯨꯅꯤꯚꯔꯁꯤꯇꯤꯗꯥ ꯂꯥꯏꯔꯤꯛ ꯇꯝꯅꯕ ꯆꯠꯈꯤ ꯑꯃꯁꯨꯡ ꯆꯍꯤ ꯑꯁꯤꯗꯥ ꯅꯤꯜꯁ ꯕꯣꯔꯅꯥ ꯍꯥꯏꯗ꯭ꯔꯣꯖꯦꯟ ꯑꯦꯇꯣꯃꯒꯤ ꯕꯣꯍꯔ ꯃꯣꯗꯦꯜꯒꯤ ꯃꯇꯥꯡꯗ ꯃꯍꯥꯛꯀꯤ ꯑꯍꯥꯟꯕ ꯄꯦꯄꯔ ꯄꯤꯁꯤꯅꯈꯤ ꯫ ꯱꯹꯱꯴ ꯗꯒꯤ ꯱꯹꯱꯹ ꯐꯥꯎꯕ, ꯃꯥꯂꯦꯝꯒꯤ ꯑꯍꯥꯟꯕ ꯂꯥꯟꯖꯥꯎ ꯃꯅꯨꯡꯗꯥ ꯃꯍꯥꯛꯅꯥ ꯃꯤꯂꯤꯇꯔꯤꯗꯥ ꯊꯕꯛ ꯇꯧꯈꯤ, ꯖꯤ. ꯂꯥꯟ ꯂꯣꯏꯔꯕꯥ ꯃꯇꯨꯡꯗꯥ ꯃꯍꯥꯛ ꯄꯣꯜ ꯂꯦꯡꯒꯦꯚꯤꯅꯒꯥ ꯂꯣꯏꯅꯅꯥ ꯃꯈꯥ ꯇꯥꯅꯥ ꯂꯥꯏꯔꯤꯛ ꯇꯝꯅꯕꯥ ꯄꯦꯔꯤꯁꯀꯤ ꯌꯨꯅꯤꯚꯔꯁꯤꯇꯤꯗꯥ ꯍꯜꯂꯛꯈꯤ, ꯑꯃꯁꯨꯡ ꯱꯹꯲꯰ꯗꯥ ꯃꯍꯥꯛꯀꯤ ꯗꯣꯛꯇꯔ ꯏꯁ ꯁꯥꯏꯟꯁꯀꯤ ꯃꯅꯥ ꯄꯤꯈꯤ ꯫ ꯕ꯭ꯔꯤꯂꯣꯏꯟꯒꯤ ꯊꯤꯁꯤꯁ ꯖꯨꯔꯤ ꯑꯁꯤ ꯂꯦꯡꯒꯦꯚꯤꯟ, ꯃꯦꯔꯤ ꯀ꯭ꯌꯨꯔꯤ ꯑꯃꯁꯨꯡ ꯖꯤꯟ ꯄꯦꯔꯤꯟꯅꯥ ꯁꯦꯝꯈꯤ ꯑꯃꯁꯨꯡ ꯃꯍꯥꯛꯀꯤ ꯊꯤꯁꯤꯁꯀꯤ ꯍꯤꯔꯝ ꯑꯁꯤ ꯁꯣꯂꯤꯗꯁꯤꯡꯒꯤ ꯀ꯭ꯋꯥꯟꯇꯝ ꯊꯤꯑꯣꯔꯤꯒꯤ ꯃꯇꯥꯡꯗꯥ ꯑꯣꯏꯈꯤ ꯫ ꯃꯍꯥꯛꯀꯤ ꯊꯤꯁꯤꯁꯇꯥ ꯃꯍꯥꯛꯅꯥ ꯃꯁꯤꯒꯤ ꯈꯨꯠꯊꯥꯡꯗꯥ ꯁꯟꯗꯣꯛꯄꯥ ꯑꯦꯇꯣꯃꯤꯛ ꯚꯥꯏꯕ꯭ꯔꯦꯁꯟꯁꯤꯡ (ꯐꯣꯅꯣꯟꯁꯤꯡ)ꯗꯥ ꯌꯨꯝꯐꯝ ꯑꯣꯏꯕ ꯏꯀ꯭ꯨꯋꯦꯁꯟ ꯑꯃꯥ ꯄ꯭ꯔꯄꯣꯖ ꯇꯧꯈꯤ ꯫ ꯃꯍꯥꯛꯅꯥ ꯃꯣꯅꯣꯀꯔꯣꯃꯦꯇꯤꯛ ꯃꯉꯥꯜ ꯋꯦꯕꯁꯤꯡꯒꯤ ꯄ꯭ꯔꯣꯄꯥꯒꯦꯁꯟ ꯑꯃꯁꯨꯡ ꯑꯦꯀꯣꯁ꯭ꯇꯤꯛ ꯋꯦꯕꯁꯤꯡꯒꯥ ꯃꯈꯣꯏꯒꯤ ꯏꯟꯇꯔꯦꯛꯁꯟ, ꯍꯥꯏꯕꯗꯤ ꯐ꯭ꯔꯤꯛꯕꯦꯟꯁꯤ ꯍꯣꯡꯂꯛꯄꯒꯥ ꯂꯣꯏꯅꯅ ꯃꯉꯥꯜ ꯁꯟꯗꯣꯀꯄꯒꯤ ꯃꯇꯥꯡꯗꯁꯨ ꯊꯤꯖꯤꯟꯈꯤ, ꯃꯁꯤꯕꯨ ꯕ꯭ꯔꯤꯂꯣꯏꯟ ꯁ꯭ꯀꯦꯇꯦꯔꯤꯡ ꯍꯥꯏꯅꯥ ꯈꯪꯅꯈꯤ ꯫
This article uses material from the Wikipedia ꯃꯤꯇꯩꯂꯣꯟ article ꯂꯤꯑꯣꯟ ꯕ꯭ꯔꯤꯂꯣꯏꯟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ꯃꯅꯨꯡꯒꯤ ꯑꯌꯥꯎꯕꯁꯤ CC BY-SA 4.0ꯒꯤ ꯃꯈꯥꯗ ꯐꯪꯍꯟꯕꯅꯤ, ꯑꯇꯣꯞꯄ ꯃꯤꯑꯣꯏꯁꯤꯡꯅ ꯏꯁꯤꯟꯗ꯭ꯔꯤꯈꯩ ꯫ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ꯃꯤꯇꯩꯂꯣꯟ (DUHOCTRUNGQUOC.VN) is an independent company and has no affiliation with Wiki Foundation.