Kaluak Paku: Ukiran Minangkabau
Kaluak paku adolah ciek dari banyak ragi nan ado di rumah gadang nan marupokan rumah adat Minangkabau.
Sarupo jo ragi-ragi nan lainnyo dimano ado tampek khusus satiok ragi, baitu pulo jo ragi kaluak paku kacang balimbiang. Ragiko lataknyo di pain jo tiang..
Papatah adaik
Kaluak paku kacang balimbiang
Tampuruang lenggang lenggokan
Bawo manurun ka Saruaso
Tanam siriah jo gagangnyo
Anak dipangku kamanakan dibimbiang
Urang kampuang dipatenggangkan
Tenggang nagari jan binaso
Tenggang sarato jo adatnyo
Ukia nak rang Saruaso
Dibuek anak Balai Salasa
Sonsong runuik Sungai Pagu
Baitu curiang barih rang dahulu
Anak bapangku kamanakan babimbiang
Samo dibawo kaduonyo
Arif manganduang bijak bicaro
Kini basuo dalam ukia
Latak di rasuak paran dalam
Di salasa balai-balai
Baitu tutua rang dahulu
Makna
Ragi kaluak paku kacang balimbiang punyo arati ajaran anak dipangku, kamanakan dibimbiang nan bamakna manuruik adaik di Minangkabau, baiak kamanakan laki-laki atau kamanakan padusi samustinyo mandapek bimbiangan jo palinduangan dari mamak. Di mano, kamanakan laki-laki ko sabagai panarimo pusako batolong sako turun tamurun, sadangkan kamanakan padusi sabagai panaruih garih katurunan.
Rujuakan
This article uses material from the Wikipedia Minangkabau article Kaluak paku, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.