Валентина Григорьевна Гаврилова (1974 шыжа 18, Марий АССР, Поранча кундем, Олор ял) — марий йылмызе, шанчызе, туныктышо, филологий шанче кандидат (2003 ий), доцент (2006 ий).
Валентина Григорьевна Гаврилова | |
---|---|
Шочын: | 1974 ий 18 шыжа (49 ий) |
Шочмо вер: | Марий АССР, Поранча кундем, Олор ял |
Эл: | Совет Ушем Россий |
Шанче алан: | йылмызе |
Паша вер: | Марий кугыжаныш университет |
Шанче степень: | филологий шанче кандидат |
Альма-матер: | Марий кугыжаныш университет |
Пале лиеш кузе: | Способы выражения количества предметов в марийском литературном языке |
Кышкар:Аҥа/Викицитатник |
Валентина Григорьевна 1974 ий шыжа тылзын 18 кечынже Марий АССР Поранча кундем Олор ялеш шочын.
Олорысо кыдалаш школым 1991 ийыште тунем пытарен да Марий кугыжаныш университетын историй да филологий факультетшын марий йылме да литератур пӧлкашкыже тунемаш пурен. Университетым 1996 ийыште тунем пытарен да умбакыже 3 ий Марий кугыжаныш университет пеленсе аспирантурышто шинчымашым поген. 2003 ийыште «Способы выражения количества предметов в марийском литературном языке» теме дене кандидатлык диссертацийым арален. Шанче вуйлатышыже профессор Андуганов Ю.В. лийын. 1998, 2004 ийлаште Хельсинки университетысе (Финляндий) финн-угор йылме-влак кафедрыште стажировкым эртен. 2001 ий гыч 2003 ий марте Марий кугыжаныш университетысе финн-угор кафедрыште туныктышылан пашам ыштен. МарКУ-со туныктышо-влаклан эртаралтше «Внедрение информационных технологий в образовательный процесс» программе дене кӱчык курсым эртен. Валентина Григорьевна Гаврилова Марий кугыжаныш университетыште финн йылмым туныкта, тыгак «Сравнительно-историческая грамматика финно-угорских языков», «Культура и традиции финно-угорских стран» теоретический курслам лудеш. В.Г. Гаврилован туныктымо дисциплиныже-влак:
Йылмышанчын тӱрлӧ йодышлажым шымла: марий да финн йылме-влакын грамматикышт, билингвизмын теорий да практике йодышыжо-влак, мут ышталтмаш. Кызыт Валентина Григорьевна Гаврилова финн-угор йылмышанче, социолингвистике йодыш-влакым шымла.
This article uses material from the Wikipedia Олык Марий (Olyk Marij) article Гаврилова, Валентина Григорьевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.