Васютин, Михаил Зиновьевич

Марий Эл Республикысе Виктер Вуйлатышын икымше алмаштышыже (2017). Российысе АФУН Вуйлатышын алмаштышыже, Россий Федерацийысе тӱвыран сулло пашаеҥже (2005).

Михаил Зиновьевич Васютин
Михаил Васютин
Шочын	1959 ий 16 пеледыш(1959-06-16) (64 ий)
Шочмо вер	РСФСР, Марий АССР, Курыкмарий кундем, Микряк сола
Тыршымаш алан	политик
Йоча-влак	Илья, Семён
Чап пӧлек да премий	Марий Эл Республикысе тӱвыран сулло пашаеҥже, Российысе тӱвыра, савыктыш да калык паша шотышто министерствын Таумутшо, Марий Эл Республик Виктерын Чапкагазше, Марий Эл Республик Президентын Таумутшо (2003, 2005), II степенян «За обустройство Земли Российской» орден

Михаил Васютин 1959 ийын пеледыш тылзын 16-шо кечынже Марий АССР Курыкмарий кундем Микряк солаште шочын. 1976 ийыште Микряк соласе школым тунем пытарен, Озаҥысе тӱвыра институтыш тунемаш пурен, 1981 ийыште тунем лектын. Варажым Российысе сымыктыш, тӱвыра да туризм пашаеҥ-влакын институтым (Российский институт работников искусства, культуры и туризма) (1992) да Российысе сымыктыш тӱвыра да туризм пашаеҥ-влакым уэш ямдылыше академийым (Российская академия переподготовки работников искусства, культуры и туризма) (1994) тунем пытарен.

Паша

Республикысе калык усталык рӱдерын вуйлатышыже гыч тӱҥалын, шанче методологий да социологий пӧлкан вуйлатышыже, вара директорын алмаштышыже лийын, директор марте шуын (1981–1989), Йошкар-Оласе горисполкомын тӱвыра пӧлкан вуйлатышыже лийын (1990–1997), тӱвыра, печать да калык-влак кокласе паша шотышто министр марте шуын. Ты жапыштак 2002 ий гыч Марий Эл Республикын Виктер вуйлатышын алмаштышыже. 2017 ий гыч Марий Эл Республикын Виктер Вуйлатышын икымше алмаштышыже .

Мер паша

Михаил Зиновьевич политик пашаште тыршыме деч посна мер пашаштат кугу пагалымашым сулен. Финн-угор калык-влак Ассоциаций (АФУН) Вуйлатышын алмаштышыже улеш. Мер Каҥашыш пура.

Пелашан, ватыже – Любовь Владимировна Васютина.

Йоча-влак: Илья (авиаконструкор); Семён (инженер).

• Марий Эл Республикысе тӱвыран сулло пашаеҥже (1994).
• Марий Эл Республик Виктерын Чапкагазше (2000).
• Марий Эл Республик Президентын Таумутшо (2003, 2005).
• Российысе тӱвыра, савыктыш да калык паша шотышто министерствын Таумутшо (2002, 2005).
• Исторический олала да регионлан Российысе Ушемын медальже (2002).
• Россиысе калык Возалтмашым (Всероссийская перепись населения) эртарымашыште ойыртемалтмылан медаль (2002).
•   Россий Федерацийысе тӱвыран сулло пашаеҥже (2005)
• Российысе муниципал академий мер организацийын «М.А. Шолоховын шӱдияш лӱмгечыж лӱмеш» шарнымаш медаль (2005).
•   II степенян «Марий Элыште суаплыклан» орден (2007).
• II степенян «За обустройство Земли Российской» орден (2008).

• Васютин Михаил Зиновьевич. Краткая биографическая справка.(руш)
• Васютин Михаил Зиновьевич | Марий Мер Каҥаш.

1. Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. – Йошкар-Ола, 2007. С. 68.