Идалык пытыме марте 112 кече кодеш.
Пайрем да памятный дате-влак
- Шкем пуштмаш (самоубийство) ваштареш кучедалме кече палемдалтеш.
Лӱмгече
Шке лумгечыштым Анна, Арсений, Анатолий, Вениамин, Григорий, Денис, Николай – влак палемдат.
Событий-влак
Тугак ончо: Категорий:Идым тылзын 10 кечысе событий-влак
- 1721-ше ийыште Россий ден Швеций коклаште Ништадтский вашкелшыкым пеҥгыдемдыме. Тидын дене 21 ий шуйнышо Йӱдвел сарым мучашлыме.
- 1756-шо ийыште Елизавета кугыжан кӱштыкшӧ почеш Санкт-Петербург олаште Руш академический театрым чоҥымо нерген кӱштыкым луктын, жап эртыме семын тиде театр А. С. Пушкин лӱмеш театр лӱмым налын.
- 1839-ше ийыште Москваште Христос Утарыше лӱмеш черкым негызлыме.
Шочыныт
Тугак ончо: Категорий:Идым тылзын 10 кечынже шочшо-влак
- 1891 — Андрей Эшкинин, марий серызе, журналист, мер пашаеҥ.
- 1927 — Геннадий Дмитриевич Пряников, Марий республикын сулло туныктышыжо. Шернур кундем Мустай ялыште шочын. 1954-1965-ше ийлаште Морко кыдалаш школын завучшылан да икмыняр жап вуйлатышыжланат тыршен. Умбакыже Йошкар-Оласе 1 №-ан школ-интернатышке куснен да 24 ий тудым вуйлатен. Суапле пашажлан Йошкар Знамя Паша орден да чап танык дене палемдалтын.
- 1931 — Иван Захаров, курыкмарий серызе, почеламутчо.
- 1938 — Борис Дмитриевич Горбунов, Марий Эл ял озанлыкын сулло пашаеҥже, паша герой. Тиде уста пашазе шочмо Курыкмарий кундемысе Мосолов лӱмеш колхоз вуйлатышылан 33 ий тыршен. Тудын вуйлатыме жапыште озанлык у деч у кӱкшытым айлен. Борис Дмитриевич 10 ий Совет Ушем кӱшыл погынын депутатше лийын. Ял озанлыкым нӧлтымыжлан ятыр премий да чап танык дене палемдалтын.
- 1962 — Олег Елизарович Кузьминых, артист, Марий Элын калык артистше, Россий Федерацийын сулло артистше. ГИТИС-ым тунем лекмек, Марий кугыжаныш драмтеатрыште пашам ышташ тӱҥалын да тачысе кече мартеат ончаш толшо калыкым шке мастарлыкше дене куандара. 20 ий утла тыршыме жапыште ятыр оҥай деч оҥай рольым чоҥен.
- 1971 — Олег Анатольевич Богомолов, сӱретче, Олык Ипай лӱмеш премийын лауреатше. Йошкар-Олан шочшыжо ты оласак художественный училищым тунем пытарен, вара Россий Федерацийысе художественный фондысо марий мастерскойышто шуаралтын. «На берегу пруда», «Калужница цветёт», «Заросший пруд» сӱрет-влакын авторжо. 5 ий ончыч Йошкар-Олаште Олег Богомоловын шке ончерже эртен. «Марий кундем» пейзаж серийжылан Олык Ипай лумеш кугыжаныш премий дене палемдалтын.
- 1981 — Эльвира Викторовна Куклина, почеламутчо, журналист, Марий Кино ушемын еҥже. Шочынжо тудо Куженер кундем Агытансолаште. Ятыр ий Эльвира «Кугарня» газет редакцийыште пашам ыштен, кызыт Единый Россий партийын пресс-службыштыжо тырша.
Коленыт
Калык пале
Аннан да Саван кечыже. Тиде кечын ожно кылтам скирдыш чумыреныт. Тидын лӱмеш кугу пайремым эртареныт, кугу яллаште гын ярминка лийын.
This article uses material from the Wikipedia Олык Марий (Olyk Marij) article 10 идым, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.