Юрий Владимирович Андуганов (1949 сӱрем 23, РСФСР, Башкир АССР, Краснокам кундем, Ушмен ял — 6 сӱрем 2005, Йошкар-Ола) — марий шанчызе, йылмызе, туныктышо, филологий шанче доктор (1992), профессор (1993), Марий Эл Республикысе шанчын сулло пашаеҥже (1996), Россий естествознаний академийын член-корреспондентше (2004), Финн-угор ушемын йотэлысе йыжъеҥже (Хельсинки, 1985), Финн литератур обществын член-корреспондентше (Хельсинки, 1985), Олык Ипай лӱмеш Марий комсомол премийын лауреатше (1988), Эстон Республикын 5-ше степенян «Маарьямаа Ырес» орденын кавалерже (2001).
Юрий Владимирович Андуганов | |
---|---|
Юрий Владимирович Андуганов | |
Шочын: | 1949 ий 23 сӱрем (74 ий) |
Шочмо вер: | РСФСР, Башкир АССР, Краснокам кундем, Ушмен ял |
Колен: | 2005 ий 6 сӱрем |
Колымо вер: | Йошкар-Ола |
Эл: | Совет Ушем Россий |
Шанче алан: | йылмызе |
Шанче степень: | филологий шанче доктор |
Шанче чап лӱм: | профессор |
Альма-матер: | Тарту университет |
Чап пӧлек да премий | Марий Эл Республикысе шанчын сулло пашаеҥже, Олык Ипай лӱмеш Марий комсомол премий, Россий Федераций кӱшыл профессионал туныктышын Почётан пашаеҥже |
Кышкар:Аҥа/Викицитатник |
Юрий Владимирович 1949 ийын сӱрем тылзын 23-шо кечынже Башкир АССР Краснокам кундем Ушмен ялеш туныктышо ешеш шочын. 1971 ийыште Н.К. Крупская лӱмеш Марий кугыжаныш педагогике институтын историй да филологий факультетысе марий-руш йылме да литератур пӧлкам тунем пытарен. Институтым тунем лекмек, школышто тыршен. 1973–1976 ийлаште Тарту университетысе аспирантурышто шинчымашым поген (Эстоний). Туштак 1977 ийыште «Сложные слова в марийском языке (определительные сложные существительные)» лӱман кандидатлык диссертацийым арален.
1976–2002 ийлаште Марий кугыжаныш университетыште тӱрлӧ вуйлатыше сомылым шуктен: старший преподаватель, доцент, профессор, кафедр вуйлатыше.
1989–1992 ийлаште Тарту университетыште докторантурышто тунемын. 1992 ийыште «Микросинтаксис марийского языка в историческом освещении» лӱман шанче докладым аралымеке, филологий шанче доктор ученый степеньым налеш.
Ю.В. Андуганов мут теорий да финн-угор йылме синтаксис дене тале специалист. Ты паша дене тудо кок монографийым да 130 утла шанче пашам савыктен луктын.
Пытартыш ийлаште Югор кугыжаныш университетыште калык историй да культур йылме институтын директыржылан пашам ыштен (Ханты-Мансий ола).
2005 ийыште сӱрем тылзын 6-шо кечынже ӱмыржӧ кӱрылтын.
This article uses material from the Wikipedia Олык Марий (Olyk Marij) article Андуганов, Юрий Владимирович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.