Матвеев, Владимир Владимирович: марий мурызо, радиовӱдышӧ, серызе

Шкетан лӱмеш Кугыжаныш премий">Марий Эл Республикысе М. Шкетан лӱмеш Кугыжаныш премийын лауреатше (2013), Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премийын лауреатше (2020).

Владимир Владимирович Матвеев
Володя Матвеев
Володя Матвеев концертыште. 2014 ий. П. Васильевын фотожо.
Шочын	1989 ий 27 ага(1989-05-27) (34 ий)
Шочмо вер	Марий АССР, Юлсер кундем Отымбал ял
Подданство	Россий
Тыршымаш алан	серызе
Йоча-влак	Владислава, Дамир, Амира
Чап пӧлек да премий	Марий Эл Республикысе М. Шкетан лӱмеш Кугыжаныш премий (2013) Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премий (2020)

Володя Матвеев Юлсер кундем Порат ялшотан илемын Отымбал ялыштыже вич шочшан ешеш шочын-кушкын.Отымбал школышто тÿҥалтыш класслаште тунемын, 6-шо класс гыч Пöтъял тунемме рÿдерыш куснен. Тушто тÿҥалтыш музык шинчымашым налын: баян дене шокташ тунемын (туныктышо – Геннадий Анатольевич Романов). Школ пеленсак сылнымут кружокышто шке возымо мастарлыкшым терген (туныктышо – Нина Павловна Синичкина). Шке шочмо ялысе культура пöрт пелен самодеятельностьыштат шуаралтын, мураш да кушташ кумылаҥын (тӱвыра пӧрт вуйлатыше - Галина Алексеевна Дмитриева). Икманаш, сылнымут да муро тӱня дек йӧратымаш тудын шочмо Отымбал клубыш коштмыжо да Пӧтъял тунемме рӱдерыште тунеммыж годым ылыжын.

Паша (журналистике)

2007- ий гыч "Марий Эл Радиошто" пашам ышта. Ончыч тунемме-производственный практикым эртен, вара пашаш налыныт.

2007-ше ий гыч - корреспондент;

2012-шо ий гыч - сем редактор;

2015-ше ий гыч - тӱҥ редактор.

Ончыч "Поэтъял", "Коҥгадӱр воктене", "Шӱдыран кастене" да эше ятыр передачым ямдылен. 2010-шо ий гыч "Ӱмыргорно" передачым вӱда. Журналистике аланыште тыршымыжым кӱкшын аклен, Марий Эл Республикысе тӱвыра, печать да калык-влакын пашашт шотышто министерствын Чап Таныкше (2020), Марий Эл Республикысе Виктерын Чап Таныкше (2015), Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премийже (2020) дене палемденыт. Россий Федерацийысе Кугыжаныш Думын Депутатше-влакат тиде пашажлан Таумутым кучыктеныт: Лариса Николаевна Яковлева (2015), Светлана Юрьевна Солнцева (2020).

2020-шо ийыште Сар Ветеран Наталья Александровна Иванова нерген "Ӱмыргорно" передаче кышкарыште ямдылыме радиоочеркше Россий кӱкшытысӧ "Российын Патриотшо-2020" конкурсышто сеҥыше-влак радамыш логалын (III-шо степенян Лауреат).

2020-шо ийыште "Марий Эл Радион" пашаеҥже-влак В.Аптулаев да Ж.Фёдорова дене пырля Кугу Сеҥымашлан 75 ий темме лӱмеш да Марий Эл Республикын 100 ияш лӱмгечыже вашеш ямдылыме передаче-влаклан Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премийже дене палемдалтын.

Мурызо семын

Эше Отымбал школын туналтыш класслаштыже тунемме годым верысе тувыра портыш коштын да ансамбльыште шуаралтын. Солист семынат икмыняр мурым мурен. 2000-шо ийышт Потъял тунемме рудерыште 9-ше классыште тунеммыж годым мураш тӱҥалын. Вячеслав Осипов мурызо да семлызе дене палыме лиймеке, тудын дене пырля икмыняр мурым йоҥгалтарашлан ямдылен. 2005 ийыште кугу сценыш лектын. 2008 ий гыч моло автор-влакын возымо почеламутышт да семышт дене муро-влакым луктеш. Алена Яковлева мурызо дене «Касарыдыме сулык» ныжыл мурым йоҥгалтара. Тиде дуэт Марий Эл Радион йодыштмашыж почеш тудо жапыште «Идалыкын эн чапле дуэтше» лӱмым сула. Ты жапыштак шке возымо почеламутшылан мурым мураш тӱҥалеш, концертлашке моткоч чӱчкыдын коштеш. Гастроль дене Татарстан, Пошкырт Эл, Свердловск вел, Виче вел марте шуеш.

2010-2011 ийла гыч Анатолий Зарецких дене икмыняр гана чолга дуэтым чоҥа, пырля ятыр кундемыш гастроль дене тарванат, пырля Йошкар-Олаште кугу концертым шындат. Тиде жап гыч Володя Матвеевын муро-влакыштыже калык сем деке шӱмаҥмаш шижалташ тӱҥалеш. Куштымаш такмак-влакым ямдыла, «Куэрлаште» мурым луктеш. Варажым «Куэрлаште» мурылан профессиональный клипым луктеш.

• «Марпа» моноспектакль, 2012 ий, Марий самырык театр.
• «Ош тӱняш толмо годым» 2013 ий, Курыкмарий драме театр.
• «Ава капитал», 2020 ий, М.Шкетан лумеш драме театр.

• Володя Матвеев — Унам-влаклан.
• Володя Матвеев — Тыге лиеш мо йӧраташ?!
• Володя Матвеев — Икымше лум.
• Володя Матвеев — Шем шинчан таҥем.
• Володя Матвеев — Тылат мурем.
• Володя Матвеев — Мый толам тый декет.
• Володя Матвеев — Шыманрак шинчашкет ончынем.
• Володя Матвеев да Анатолий Зарецких — Сагынет гын...
• Володя Матвеев, Эльвира Трифонова, Анатолий Зарецких, Лилия Петухова, Артур Евремов — Чоным почын мурена.
• Володя Матвеев да Наташа Пушкина — Йӱржӧ йӱреш.
• Володя Матвеев — Йӧратен шынденам.
• Володя Матвеев — «Кече тый улат».

• «Ший памаш» финно-угор калык кокласе эстраде муро фестивальын III-шо степенян Лауреатше (2011).
• Марий Эл Республикысе кугыжаныш погынын Таумутшо (2011).
• Марий Эл Республикысе М. Шкетан лӱмеш Кугыжаныш премий (2013).
• Марий Эл Республикысе Виктерын Чап Таныкше - радиовещанийыш надырым пыштымылан (2015)
• Тӱшка увер кыл-влак коклаште эртаралтше «Российын патриотшо» конкурсын III-шо степенян Лауреатше (2020).
• Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премий (2020).
• «Марий Эл Республикылан - 100 ий» шарнымаш медаль (2022).
• «Марий Элын шӧртньӧ перожо» премий (2023.)
• «Марий Эл Республикылан - 100 ий» шарнымаш медаль (2023).

• «Вконтакте» сайтыште Володя Матвеевын лаштыкше.
• Усталык шӱлыш тудын чоныштыжо ила…