Марий Эл Республик Вуйлатыше
Марий Эл Республик Вуйлатыше (рушла Глава Республики Марий Эл) – Марий Эл Республикын эн кӱшыл должностян еҥже, Марий Эл Республик Виктерын Председательже.
Историй
Статусшо да полномочийже-влак
Марий Эл Республик Вуйлатыше:
- Марий Эл Республикыште граждан-влаклан права да эрыкышт дене пайдаланаш йӧным ышта, республикын лӱдыкшыдымылык ден кундем тичмашлыкше, закон шуктымо да права шотышто порядкым эскера;
- Марий Эл Республикысе Рӱдӧ сайлымаш комиссийын пел ужашыжым палемда;
- Марий Эл Республикысе Кугыжаныш Погын дек республикысе положений шотышто ий еда посланий дене лекташ праван;
- Марий Эл Республикысе пунчалым шуктен шогышо кучем орган-влакым вуйлата да нунылан Кугыжаныш Погын дене вашкылым ышташ полша;
- Марий Эл Республикын Конституцийжым да законжо-влакым шуктен шогымым эскера;
- Марий Эл Республик Вуйлатышын Администрацийжым чумыра да Марий Эл Республикысе пунчалым шуктен шогышо кучем орган-влакын структурыштым палемда;
- Марий Эл Республикысе Кугыжаныш Погын дене каҥашен, Марий Эл Республикын Виктержым чумыра. Тудын радамышкыже вашталтышым пурта;
- Марий Эл Республикын бюджетшым ямдыла да Марий Эл Республикысе Кугыжаныш Погынлан ончаш пуа. Темлыме бюджет почеш пашам виктара, тидын нерген палдарен шога. Марий Эл Республикысе Кугыжаныш Погынлан Виктерын паша лектышыже шотышто ий еда отчётым ышта, тыгодым Кугыжаныш Погынын йодышыжо-влакланат вашешта;
- кугыжаныш кучем федерал орган, Россий Федераций субъектласе кугыжаныш кучем орган да верысе шкевиктем орган-влак дене пырля пашам виктарыме да вес элла дене экономике кылым ыштыме годым республик нерген палдара, ойпидышеш республик лӱм дене кидым пышта;
- республикын полномочиян ӱшанъеҥже-влакым ойыра;
- кугыжаныш награде да чаплӱм дене палемда;
- Россий Федерацийын Конституцийже, федерал закон, Марий Эл Республикын кызытсе Конституцийже да законжо дене келшышын моло полномочийымат шуктен шога.
Марий Элын президент ден вуйлатышыже-влак
| № | Президент | Полномочий жап | Партий | Палемдымаш | ||
|---|---|---|---|---|---|---|
| 1 | Владислав Максимович Зотин |  | 1991 ий 24 теле | 1997 ий 14 шорыкйол | Коммунистическая партия Российской Федерации | |
| 2 | Вячеслав Александрович Кислицын |  | 1997 ий 14 шорыкйол | 2001 ий 17 шорыкйол | Коммунистическая партия Российской Федерации | |
| 3 | Леонид Игоревич Маркелов |  | 2001 ий 17 шорыкйол | 2017 ий | ЛДПР, Единая Россия | 2017 ий вӱдшор тылзын 6-шо кечынже Россий Президент Владимир Путин Марий Эл Республик Вуйлатыше Л.И.Маркеловын кумылжым шотыш налын, тудым отставкыжым приниматлен да должность деч кораҥден. |
| 4 | Александр Александрович Евстифеев |  | 2017 ий | 2022 ий 10 ага | партий деч посна | 2017 ий вӱдшор тылзын 6-шо кечынже Россий Президентын Кӱштыкшӧ почеш Александр Евстифеевым Марий Эл Республикын Вуйлатышыжын пашажым жаплан шуктышылан шогалтыме. 2017 ий идым тылзын 10-шо кечыже гыч эртыше Марий Эл Республик Вуйлатышым сайлымашыште Александр Александрович Евстифеев, 88,27 процент йӱкым поген шуктымеке, сеҥышыш лектын. |
| 5 | Юрий Викторович Зайцев | _(cropped).jpg) | 2022 ий 10 ага | Единая Россия | 2022 ий ага тылзын 10-шо кечынже Россий Президент Владимир Путин Марий Эл Республик Вуйлатыше А.А.Евстифеевын кумылжым шотыш налын, тудым отставкыжым приниматлен да должность деч кораҥден. | |
Марий Эл Республик Вуйлатышын Таумутшо
-
Таумутын тӱжвал сынже.
Кылвер-влак
Важ-влак
This article uses material from the Wikipedia Олык Марий (Olyk Marij) article Марий Эл Республик Вуйлатыше, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.