Марина Садо́ва (Марина Андреевна Садо́ва) (1997 ага 3, Россий, Марий Эл Республик, Маскасола кундем, Нужъял ял) — марий мурызо, семлызе, «Куат» группын солисткыже (тудак коллективым чумырен).
Марина Андреевна Садова | |
---|---|
Марина Садова | |
| |
Шочын | 1997 ий 3 ага (26 ий) |
Шочмо вер | Россий, Марий Эл Республик, Маскасола кундем, Нужъял ял |
Тыршымаш алан | мурызо, семлызе |
Медиафайлы на Викискладе |
Марина Садова 1997 ийын ага тылзын 3-шо кечынже Марий Эл Республик Маскасола кундем Нужъял ялеш шочын.
Марина мураш ныл ияш годымжак тӱҥалын. Икымше сеҥымашыжлан «Звездный дождь» республик кӱкшытысӧ эстрада муро конкурсышто сеҥымым шотлаш лиеш. Тудлан тунам 5 ий лийын. Вара район, Республик, Россий кӱкшытысӧ да калык-влак кокласе конкурслаште ятыр сеҥымашым налын: «Маленькие звездочки на Золотых песках» (Болгарий, 2 вер), «Таланты Каунаса» (Литва), «Путь к звездам» (Санкт-Петербург ола).
Марий Эл мучко Марина «Песенка года» конкурс деч вара палыме лийын. Тушто тудо Людмила Помогаева дене пырля «Марий лӱм» мурым йоҥгалтарен («Яндар» дуэт). Тиддеч вара Марина марий муро-влакым мураш тӱҥалеш. Муро-влакше Марий Эл Радиошто да марий телевиденийыште йоҥгат, ятыр клип муро-влакланше лектеш. Марина 2014 ий гыч И.С.Палантай лӱмеш тӱвыра да сымыктыш колледжыште шинчымашым поген.
2014 ийыште Теле тылзын 10 гыч 13 кече марте Марина Садова Германийыште Олденбург олаште «ЛИЕТ Интернэшенел» конкурсышто (тиде конкурс изи калык-влакын Евровиденийыштлан шотлалтеш) мурен.
This article uses material from the Wikipedia Олык Марий (Olyk Marij) article Садова, Марина Андреевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.