Марийсола

Калыкчот: 735 еҥ (2005 ий), 750 еҥ (2010 ий).

Сола
Марийсола
рушла Марисола
HGЯO
Эл	Россий
Федераций субъектше	Марий Эл
Кундем	Шернур
Эртыш да географий
Икымше гана палемдыме	1699
Шагат ӱштӧ	UTC+3:00[d]
Калыкчот
Калыкчот	▲750 еҥ (2010)
Калык-влак	марий, руш
Инаныше-влак	чимарий, танле
Официал йылме	марий йылме да руш йылме
Цифрр идентификатор-влак
Телефон код	+7 83633
Почто индекс	425460
Автомобиль код	12
Марийсола Марийсола

Шернур ола сынан посёлко деч 14 километр йӱдвел могырно верланен.

Ялын лӱмжӧ ушымо кок марий мут гыч лектын: «марий» + «сола» = «марийсола».

Негызым XVI-шо курымышто пыштыме, ял нерген икымше гана 1699-ше ийыште палдарыме. 1795-ше ийыште Марисола ялыште 8 суртышто 67 пӧръеҥ да 65 ӱдырамаш илен. Марисола Шернур кугысола деч йӱдвелкыла 12 километр тораште Она да Шаба эҥер коклаште верланен.

2005-ше ий 1-ше шорыкйоллан 735 еҥ ила. Тидын кокла гыч 669 марий, 62 руш да молат. XIX-ше курымышто ял койын кушкаш тӱҥалын.

1837 ийыште пу черкым почмо да ялым селашке кусарыме. 1888 ийыште кӱ черке пашам ышташ тӱҥалын. 1879 ийыште школым почмо, туныктышылан Верещагин пашам ыштен. 1920 ийлаште «Марисола» ялозанлык артельым почмо, а 30-шо ий мартыште колхозыш савырыме. Кугу Ачамланде cар тӱҥалмеке ял гыч фронтыш 48 еҥ каен, 23 еҥ пӧртылын огытыл. Сар жапыште ялыште йоча пӧрт пашам ыштен, тиде пӧртыштӧ Эстоний, Крым, Татарстан республик гыч йоча-влак иленыт. 1974 ийыште Йыван Кырла лӱмеш мемориал оҥам сакыме, а 1993 ийыште бюстым ыштыме.

• Воронцова Ольга Петровна — марий шанчызе, йылмызе, туныктышо, филологий шанче кандидат (1994), Финн-угор ушемын йотэлысе йыжъеҥже (2004, Хельсинки).

• Село Марисола (Марийсола, Оно-Морко, Ономоркинская, Оно-Марь).

1. История сел и деревень Республики Марий Эл. Сернурский район: Сборник документальных очерков. — Йошкар-Ола: Комитет Республики Марий Эл по делам архивов, Государственный архив Республики Марий Эл, администрация муниципального образования «Сернурский район», 320 с., ил. 2006 г. С. 149.