Беленков, Яков Сергеевич
Яков Беленков (Яков Сергеевич Беленков) (1967 ӱярня 15, РСФСР, Марий АССР, Йошкар-Ола) — руш серызе, почеламутчо, журналист.
| Яков Сергеевич Беленков | |
|---|---|
| Яков Беленков | |
| Шочмаш дене лӱм | Яков Сергеевич Беленков |
| Шочын | 1967 ий 15 ӱярня (57 ий) |
| Шочмо вер | РСФСР, Марий АССР, Йошкар-Ола |
Илыш корныжо
Яков Беленков 1967 ийын ӱярня тылзын 15-ше кечынже Йошкар-Олаште шочын. 1984 ийыште школым тунем пытарымек, Озаҥ кугыжаныш университетын журналистике факультетышкыже пурен. Икымше курс деч вара тудым Совет Армий радамыш налыныт. Служитлымек, икмыняр жап Ленинград олаште чоҥымо пашаште ыштен. Йошкар-Олаш пӧртылмек, Марий телевиденийын, “Молодой коммунист” газетын корреспондентше лийын. Вара Озаҥ университетыште тунеммыжым шуен. “Казанские ведомости” газет редакцийыште пашам ыштен. Варажым “Марийская правда” газетын журналистше лийын.
Литератур пашалан школышто тунеммыж годым шӱмаҥын. Тудлан полшышо ачаже лийын – йоча поэт да прозаик Сергей Беленков. 1990 ийыште самырык автор “Сезон благоразумия” прозо книгам луктын. “Сын дьявола” (“Явылын эргыже”) повестьше марла “Ончыко” журналыште савыкталтын, тудым Юрий Галютин кусарен.
Кызыт Я. Беленков Москошто ила да пашам ышта.
Тӱҥ произведенийже-влак
- Наследство : рассказ // Мар. правда. 1987. 25 янв.
- Сезон благоразумия : повести и рассказы. Йошкар-Ола, 1990. 176 с.
- Южная история : отрывок из повести // Русское слово Марий Эл. Йошкар-Ола, 2004. С. 369—376.
Марлаш кусарыме произведенийже
- Явылын эргыже : повесть / пер. Ю. Галютина // Ончыко. 1996. № 12. С. 5—60.
Илышыже да творчествыже нерген литератур
- Самырык руш прозаик... // Ончыко. 1996. № 12. С. 5.
- Краткая биогр. справка // Русское слово Марий Эл. Йошкар-Ола, 2004. С. 369.
Литератур
This article uses material from the Wikipedia Олык Марий (Olyk Marij) article Беленков, Яков Сергеевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.