Эчер (мад.: Ecser) — ошкясь Венгеронь масторса, Пешт перяфксса, Будапешт оштърваса.
Эчерсь ащи лямбе-шистяма шири Будапештста, Ферихедь Интернационалень аэропортть ваксса. Шабра ошкятне Маглод, Вечейш, Дьёмрё ди Уллё. МО оцюки ётай ошкять ваксса. Ошкясь ащи 120А машина кить линияса (Будапешт-Уйсас-Солнок). Тяса эряйхть тага мъзярошка словакта.
Васенце сёрмадома лисьма Эчер ошкять колга лиссь 15 кучкаковста 1315 кизоня, интай ошкять ульсь ни 896 кизоста, мъзярда венгерхне пачкодсть тяниень эсь мастору. Фкя айнема коряс ошкять лемоц арьсесь сонць Ине Ширяз Арпад. Арпадсь сонь ушмонц мархта лоткась маласа ди кизефезь тоса эряйхнень "Кода тя вастоть лемоц?" интай синь исть шарьхкоде. Сяс Арпадсь азсь: лемдеза тя вастть вага тя ‘тумось’ лемса (мад.: Cser). Оттоманонь Туркань азорондамаснон пингста (1526-1686) ошкясь шамдсь маласа ащи Будать сявоманц меле. Эчеруфне мърдасть аньцек 1699 кизоста. Кефкие ушматт Эчерста тюрсть Ракоцить кядяла ащема каршес торбингста (1703-1711). 1700 кизотнень ушетксста ошкять азороц граф Антал Грашшалкович усксь словаконь вастозайда.
Фкя пяк содаф мялямвастсь ошкяса тя римонь католиконь озкскудсь путф 1740 кизоня. Ошкяса ули масторлангс содаф калконь кштимась ‘Ърьвяяма Эчерса’ (Ecseri lakodalmas). Эчер ошкять содафкссонза улихть озкскудсь, калконь кштима ди тумось, синь колмонза ащихть сяда эряви ошкять содафкскянза.
|
This article uses material from the Wikipedia Мокшень (Mokshanj Kälj) article Эчер, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Сёрматфсь ули кода мумс CC BY-SA 4.0-са, кда илякс апак аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Мокшень (Mokshanj Kälj) (DUHOCTRUNGQUOC.VN) is an independent company and has no affiliation with Wiki Foundation.