Bima
Bima kuwe salah sijine Pandhawa sing nomer loro.
Pas lair kacritaake ing lakon Bima Bungkus. Jaman isih cilik urip ing kraton Astina, nanging bubar ditundhung Korawa, Bima lan sedulur-sedulure dibuwang lan pungkasane bisa babat Alas Mertani. Dheweke banjur urip ing kesatriyan Jodhipati/UnggulPawenang. Bima duwe watak pantang mundur. Yen duwe gegayuhan kudu klakon ora ketang nyawa toh tohane. Sak liyane pantang mundur Bima uga duwe watak jujur lan ngajeni marang sing luwih tuwa, lan tresna marang sing luwih enom.
Dasanama
- Bayusuta : putrane Bathara Bayu
- Ballawa : gedhe dhuwur
- Bratasena : keturunan Bharata kang prakosa
- Bhima : ngedab-edabi (Mahabharata)
- Birawa : gedhe lan medeni
- Dandun : teguh
- Nagata : nyata
- Kowara : kondhang
- Sena : prakosa
- Werkodara/Werkudara
- Wijasena
Anak Bojo
Bojone telu (gagrag Jogjakarta), yaiku :
- Dewi Nagagini, nduwe anak jenenge Antareja.
- Dewi Arimbi, nduwe anak jenenge Gathotkaca.
- Dewi Urangayu, nduwe anak jenenge Antasena.
Kasekten
Bima juga salah sijine putra Bathara Bayu.
Gaman kang kondhang yaiku Gada Rujakpolo lan kuku Pancanaka. Bima ora gelem basa karo sapa baen, kejaba nalika ing lakon Bima Suci/Nawaruci. Ing lakon iki Bima ketemon karo Dewa Ruci. Wujude Dewa Ruci kaya dene Bima. Dewa iki manjing seka kupinge lan ngandhani Bima perkara filsafat urip.
Ing pungkasan crita wayang, Bima muksa bareng karo Pandhawa liyane nuju swargaloka.
This article uses material from the Wikipedia Basa Banyumasan article Bima, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Banyumasan (DUHOCTRUNGQUOC.VN) is an independent company and has no affiliation with Wiki Foundation.