भुवन बाम

बाम एकटा मराठी छी, जकर जन्म २२ जनवरी १९९४ मे बरोडा, गुजरातमे अवनीन्द्र आओर पद्म बामक घर भेल छल। आगा जाके हुनकर परिवार दिल्ली स्थानान्तरित भेल छल। ओ अपन स्कूलक पढाई ग्रीन फील्ड्स स्कूल, दिल्ली सँ केलक आओर शहीद भगत सिंह कलेजसँ इतिहासमे स्नातक के उपाधि प्राप्त केलक।

बाम एकटा भिडियो अपलोड केनए छल अपन इन्टरनेट करियर के शुरुआत में, जाहिमे ओ एकटा समाचार रिपोर्टर के व्यङ्ग केनए छल, जाहिमे एकटा महिला सँ कश्मीर के बाढि के कारण अपन बेटा के मृत्यु के बारे मे असंवेदनशील प्रश्न पुछल गेल छल। ई भिडियो पाकिस्तान मे भाइरल भऽ गेल छल, जाहिसँ बाम जून २०१५ मे अपन स्वयम् के यूट्यूब च्यानल बनावे के लेल प्रेरित भेल छल।

बीबी की भाइन्स

"बीबी की भाइन्स" एकटा YouTube च्यानल छी, जेकर २-८ मिनट के लम्बा भिडियो में एकटा शहरी किशोर-किशोरी के जीवन के दर्शाओल जाइत अछि, आओर ओकर मित्रसभ आओर परिवार के साथ ओकर सनकी बातचीत - सभ स्वयम् बामद्वारा अभिनित रहैत अछि। हुनकर यूट्यूब च्यानल मे १७.८ मिलियन सब्सक्राइबर अछि आओर हुनका बन्छोड दास, समीर फुद्दी, टीटू मामा आओर मिस्टर होला जेहन भूमिका निर्वाह करए के लेल जानल जाइत अछि।

भिडियो, बामद्वारा एकटा मोबाइल फोन के फ्रन्ट क्यामेरा के उपयोग करैत शूट कएल जाइत अछि। ओ मूल रूप सँ अपन भिडियो फेसबुक पर अपलोड करैत अछि, आओर फेर बादमे YouTube पर चलि जाइत अछि।

सङ्गीत भिडियो आओर अन्य कार्यसभ

अगस्ट २०१६ मे, बाम एकटा सङ्गीत भिडियो "तेरी मेरी कहानी" जारी केनए छल। एकर बाद "सँग हुँ तेरे", "सफर", "रहगुजर" आओर "अजनबी" जेहन म्युजिक भिडियो जारी केनए छल। ओ दिव्या दत्त के साथ एकटा लघु फिल्म, "प्लस माइनस" मे सेहो दिखाई देनए छल, जे हुनका फिल्मफेयर पुरस्कार विजेता बना देनए छल। डिसेम्बर २०१८ मे, ओ "टीटू टक्स" नामक YouTube पर एकटा नवका डिजिटल श्रृंखला शुरू केलक, जाहिमें शाहरुख खान पहिल अतिथि के रूप में शामिल भेल छल।

२०१९ में ओ अपन यूट्यूब च्यानल पर "अजनबी" गीत जारी केनए छल। गीत के यूट्यूब पर ११ मिलियन सँ अधिक बेर देखल जाऽ चुकल अछि।