शिला मेहता

शिलाक जन्म भारतक पश्चिममे रहल राज्य पश्चिम बङ्गालक राजधानी शहर कोलकातामे भेल छल। हुनकर जन्म नव वर्षक दिन यानी १ जनवरीकें भेल अछि। ओ अपन प्रारम्भिक शिक्षा कोलकाताक प्राथमिक विद्यालय आ अपन उच्च शिक्षा कलकत्ता विश्वविद्यालय सँ पुरा केनए अछि। कलकत्ता विश्वविद्यालय सँ स्नातक कऽ उपाधि प्राप्त केनए अछि। ओकर बाद हुनकर रुचि कऽ विषय नृत्य आ सङ्गीत भेलाक कारण ओ महाराष्ट्र चलि गेल। ओ कवि कुलगुरु कालिदास संस्कृत विश्वविद्यालय, महाराष्ट्र, भारत सँ ललित कलामे स्नातकोत्तर कऽ अध्ययन करि ओतय सँ ओ स्नातोकोत्तर कऽ उपाधि प्राप्त केलक। स्नातोकोत्तर अध्ययन पश्चात ओ भारतीय राज्य उत्तर प्रदेशक इलाहाबाद शहरमे जाए प्रयाग सङ्गीत समिति सँ नृत्य प्रवीण कऽ उपाधि प्राप्त केलक। एकर बाद ओ योर्क विश्वविद्यालय, टोरन्टो, क्यानाडाक माध्यम सँ व्यावसायिक विकासक एक व्यापक श्रेणीक कार्य केनए अछि जहिमे समकालीन नृत्य, नृत्य चिकित्सा आ साइट-विशिष्ट नृत्यक खोज सम्मलित अछि। नृताचार्य श्री प्रह्लाद दासक नेतृत्वमे मेहता अपन पाँच वर्षक आयु सँ नृत्य केनाए शुरू केनए छल। सोलह वर्षक आयु सँ, ओ कुमुदिनी लाखिया जका अन्य प्रख्यात प्रतिपादकसभक सम्पर्कमे आबि गेल छल। ओ नृत्य क्षेत्रक धुरन्धर पण्डित चित्रेश दास, पण्डित विजय शंकर आ पण्डित बिरजु महाराज कऽ सङ्ग प्रशिक्षणक सिखबाक लेल बहुत समय व्यतित केनए छल। नृत्य विधाक उपयोगी कला ताल सिखवाक लेल ओ तालयोगी पण्डित सुरेश तलवलकर कऽ अधीनमे ओ अपन लय आ ताल प्रशिक्षण पूर्ण केनए छल।