Sajhârâ komputer arèya èmolaè dâri abad 19, è bâkto Charles nyoba' desain komputer mèkanik sè a nyama mesin analitikal.
Design jârèya dhâddhi ajhuân kerangka desain komputer satèya.
Pengembangan komputer èbâgi dâlem empa' generasi:
Generasi sè nomer settong, è molaè bâkto komputer è ghunaaki dâlem akademi bân militer. Akadhi komputer Atanassof-Berry sè è ka ghâbây neng taon 1937 kaangghuy a retas kode rahasia Jerman Nazi. Samarèna jârèya, ENIAC sè è bangun è taon 1946 dhâddhi komputer sè dâ' adâ' kaangghuy tojjhuân umum. È bâkto komputer dâ' adâ'ân è odi'in, Philadelphia ngalami matè listrik. Komputer generasi jârèya a ghunaaki tabung vakum kaangghuy nyimpân data bân okorna ma tadâ' settong ruangan.
Generasi sè nomer duwâ' è molaè bâkto transistor a ghântè'è tabung vakum. UNIVAC è kenallaki dâ' publik è taon 1951 kaangghuy komèrsial. Samarèna jârèya, neng taon 1953, IBM a molaè bisnis komputerra kalabân ma kalowar IBM 650 bân IBM 700. Macem-macem bahasa pemrograman molaè è kembhângaki bân komputer molaè andi' mèmori bân sistem operasi.
Generasi sè nomer tello' è molaè bâkto teknologi transistor mulaè a nigkat dâ' sirkuit terpadu. Komputer kènè' arèya inovasi sè cè' pentinga è dâlem generasi bân dampak dâ' generasi komputer salanjuttâ. NASA a ghuna aki komputer rèya kaangghuy malancar program Apollo, akadhi komputer bimbingan Apollo kaangghuy ma ghâmpang kendali Apollo command/service module. Digital equipment corporation dhâddhi perusahaan komputer nomer duwâ' è budina IBM kalabân komputer PDP bân VAX. Komputer rèya ngibâ dâ' pengembangan sistem operasi sè a berri' pangaro, Unix.
Generasi sè nomer empa' è dasawarsa 1970-an è bâkto panemmuan MOSFET bân integrasi skala rajâ salanjuttâ ngibâ dâ' pengembangan mikroprosesor è awwâl 1970-an. Komputer pribadi sajân kènè' bhârkat mikroprosesor molaè bâdâ perkembangan, è molaè dâri komputer roma'an bân komputer mèjâ. Teknologi saterrosa arèya laptop bân ponsèl cerdas sè cè' loar biasana bân ngibâ dâ' macem perusahaan teknologi ka dâlem perang patèn atas ponsèl cerdas.
This article uses material from the Wikipedia Madhurâ article Sajhârâ komputer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.