Universitas Indonesia (UI) iyâ arèya universitas è Inḍonèsia.
Kampus otaman bâdâ è Ḍèpok, Jhâbâ Bârâ’ bân kampus laènna bâdâ è Salemba, Jakarta Pusat. Universitas Indonesia (UI) iyâ arèya Universitas modern, komprehensif, tabukka', multibudaya, humanis bân èlmo sè luas. Alumnina lebbi dâri 400.000 orèng. Universitas Indonesia èbhângon sajjek pamarènta Bâlandhâ bhâdhi ngasèlaghi asisten doktor tambâ’ân sè ngaghungi sertifikat arabât tingkat dhâsar bân ngaollè Gellar dokter Jhâbâ (Javanese doctor). Resmina UI molaè tangghâl 2 Fèbruari 1950 kalabân rektor pertamana Ir. R.M. Pandji Soerachman Tjokroadisoerio. Tangghâl 2 Februari 1950 dhâddhi arè kalahèran Universitas Indonesia.
UI asalla ḍâri Sakola Èlmo Kasehatan bân Vaksin (Opleiding van eleves voor de genees-en helkunde en vaccine) kalabân Sorat Potosan Gubernur Hindia Belanda 1849. Morèd è ḍissa ollè pangajhâran abitta ḍu taon ḍâri Hindia Belanda. Lastarèna lulus, dokter-dokter ollè sertifikat perawatan tingkat dhâsâr bân kèngèng apraktèk è Jhâbâ saos bân èsebbhut Dokter Jawa. Taon 1864, pangajhâranna ètamba dhâddhi tello taon bân taon 1875 dhâddhi pètto’ taon. Gellarra aobâ jughân dhâddhi Dokter Medis. Taon 1927, STOVIA aobâ GHS (Geneeskundige Hogeschool). Gheddung sè dhimèn èangghuy, mangkèn dhâddhi gheddunga Fakultas Kedokteran UI.
Taon 1898 pamarènta kolonial bhângon sakola anyar bâdi STOVIA (School tot Opleiding van Indische Artsen). Pangajhârân è STOVIA sanga’ taon; tello taon tingkat SMP, tello taon tingkat SMA, bân tello taon tingkat diploma. Bânnya’ kaluaran STOVIA dhâddhi penggerak kamardhikaan Indonesia.
Taon 1924, pamarènta kolonial bhângon RHS (Rechtshoogeschool te Batavia - Sakola Tègghi Hokom è Jakarta) bhâdhi ngaghungin tenaga sipil administrasi mabâan. RHS rèya asalla Fakultas Hokom UI.
Samarèna kamardhikaan Indonèsia, Badan Pendidikan Tègghi Republik Indonesia (BPTRI) èbhângon tangghâl 19 Agustus 1945 è Jakarta. BPTRI ngaghungi duâ’ fakultas, yakni kedokteran sareng hokom. Katua BPTRI iyâ arèya Prof. dr. Sarwono Prawirohardjo. Fakultas kedokteran èbukka’ tangghâl 1 Oktober 1945 bân bisa lulusaghi 90 dokter. Bâjâ Bâlândhâ masok pole ka Indonesia akhèr 1945, BPTRI ngallè ka Surakarta, Klaten Jogja, Sorbhâjâ, bân Malang. Tangghâl 1 Juni 1945, NICA abâdi Nood Universiteit / Universitas Samentara è Jakarta. Tangghâl 21 Maret 1947, Nood Universiteit aobâ dhâddhi Universiteit van Indonesie (UVI). Ding la Jakarta abâli polè, pamarènta mabâli BPTRI ka Jakarta bân ègabungaghi sareng Universiteit van Indonesie (UVI) bân ngaghungi nyama anyar yakni Universiteit Indonesia (UI).
Awwalna UI ngaghungi 9 Fakultas bân 3 lembaga è 5 kotta, yakni Fakulteit Kedokteran, Fakulteit Èlmo Hokom bân Èlmo Pengetahuan Masyarakat, Fakulteit Sastra bân Filsafat è Jakarta; Fakulteit Èlmo Alam bân Èlmo Pasti, Fakulteit Èlmo Pengetahuan Teknik, bân Lembaga Pendidikan Ghuru Menggambar è Bandung; Fakulteit Pertanian bân Fakulteit Kedokteran Hèwân è Bogor; Fakulteit Ekonomi è Makassar; Fakulteit Kedokteran bân Lembaga Kedokteran Ghighi è Sorbhâjâ.
Taon 1955, UU No. 10 bâdâ UU èssèna Paobâân universiteit, universitet, bân universitit. Sajjek rowa Universiteit Indonesia aobâ Universitas Indonesia.
On-laon, Fakultas sè bâdâ è kotta laèn dhâddhi kampus bi’-dibi’ sèbeng. Tangghâl 2 Maret 1959, Fakultas Teknik bân Fakultas Èlmo Pengetahuan Alam dhâddhi Institut Teknologi Bandung. Tangghâl 1 September 1963 Fakultas Patanèan bân Fakultas Kedokteran Hèwân UI dhâddhi Institut Patanèan Bogor (IPB). Fakultas è Sorbhâjâ dhâddhi Universitas Airlangga bân sè è Makassar dhâddhi Universitas Hasanuddin. Taon 1964, Fakultas Kaghuruan bân Èlmo Pendidikan dhâddhi Universitas Negri Jakarta.
Nalèka Orde Baru è taon 1966, pamarènta nunjuk Ghuru Besar UI kaangghuy dhâddhi tri-mentri, bâdi abeccèk ekonomi Indonesia. Sajjek rowa UI aberri’ bhuktè nyata akontribusi ka Indonesia.
Lambang
Lambang UI èbhâdhi taon 1952 sareng Sumartono (Sumaxtono), mahasiswa jurusan Seni Rupa Fakultas Teknik. Desain Sumaxtono ngala’ inspirasi ḍâri kala-makara. Kala bân Makara iyâ arèya tokoh mitos Hindu, dekor ḍâlâm candi è Inḍonèsia. Kala bâḍâ è attas, Makara bâḍâ è bâbâ. Kala mènangka kakuatan mataarè, bân makara mènangka kakuatan kakuatan bhumè. Kaduâna amaksod alambangaghi UI mènangka sombher èlmo pangataoan sè nyebar ka kabbhi penjuru.
Lambang UI jhughâ aghâmbhâr bhungka bân cabang amaksod èlmo pangetaoan sè landhu polan aèng sè resbhes è bâbâna. Kuncup amaksod èlmo pangrtaoan anyar. Kabbhi anunjukaghi èlmo pangetaoan è UI akembang klabân kabhutohan zaman.
Makara aghili aèng amaksod hasèl sè amancar ka sadhâjâ penjuru; UI mènangka sombher èlmo pangetaoan sè ngasèlaghi sarjana pènter, terampil, takwa, andhâp asor lekkas ngartè dâ’ ka teknologi è masyarakat.
Buku sè nerangaghi rancangan desain sareng makna iyâ arèya Universiteit Indonesia, Fakulteit Teknik, Bandung: Rentjana Untuk Tahun Peladjaran 1952-1953 (Pacèta’an AID, Bandung, 120 hlm.)
Makara Universitas Indonesia bârnana koneng, kèng èbâgi pole tèyap fakultas.
UI ngaghungi Panji sè abentuk kapak. Kapak kainto èangghuy è zaman neolitikum, yakni zaman bâto ka zaman perunggu sè amaksod Inḍonesia andi’ sèfat sè dinamis ngirèng zaman.
Neng tengnga kapak iyâ arèya lambang Universitas Indonesia sè abentuk matahari. Maksodda UI mènangka pelopor rakyat è bidang pangataoan. Bârnana konèng emmas sè maksodda raja bân agung.
Jaket almamater UI èsebbhut Jakun, akronim ḍâri jaket kuning. Bârna dhâsarra konèng tèra’ klabân ghâmbhâr lambing UI (makara) sè èpasang è dâdâ kacèr sesuai sareng bârna panji fakultas bâng-sèbâng.
Jas UI abârna dâsar konèng aghâmbhâr lambang UI sè èghâbây kalabân border bân ètempel neng dâdâ kacèr. Jas UI jughân èangghuy è lalampan protokoler universitas bi' petinggi universitas.
Kendhi èlmo iyâ arèya kendhi mènangka simbol neng acara wisudana sarjana bân èberri’ dâ’ ka mahasiswa anyar. Maksodda dâddi lambang lanjutan dâri generasi sè lulus dâ’ ka generasi sè anyar. Akadhi ongkapan: Ribuan yang Datang, Ribuan Pula yang Pergi.
Laghu wâjib UI iyâ arèya Himne Almamater bân Genderang Universitas Indonesia. Biasana ènyanyiaghi neng acara universitas, nyambut mahasiswa anyar, bân wisuda. Laghu Himne Almamater ècèptaaghi sareng H.S. Mutahar bân èssèna tentang tèkad warga UI maklè Bersatu ngamalaghi tridharma perguruan tègghi. Manabi laghu Genderang Universitas Indonesia èssèna tentang semangat mahasiswa UI è dâlâm nyarè èlmo bân abâktè. Bân taon mahasiswa UI nyanyi laghu rèya abhârâng laghu laènna akadhi Rayuan Pulau Kelapa, Pahlawan Muda, bân Keroncong Kemayoran.
Kampus UI bâdâ 2, neng Salemba bân Depok. Kabânnya’an fakultassa bâdâ neng Depok klabân lahan 320 hektar. 25% lahan èangghuy gâbây akademik, riset bân kemahasiswaan, 75% gâbây green campus bân bâdâ 6 danau alam.
Kampus UI neng Cikini bâdâ neng Cikini, Jakarta Pusat. Program sè bâḍâ neng Cikini iyâ arèya Pascasarjana Fakultas Administrasi bân Kedokteran komunitas.
Kampus UI neng Salemba bâdâ neng Salemba, Jakarta Pusat. Fakultas sè bâḍâ neng Salemba iyâ arèya administrasi Fakultas Kedokteran, administrasi Fakultas Kedokteran Ghighi, Program Pascasarjana Multidisplin, Program Ekstensi, Magister Manajemen Fakultas Ekonomi bân Laboratorium Fakultas Teknik.
Kampus utama UI bâdâ neng antara Jakarta Lao’ bân Depok. Èbhângon 1980-an. Fakultas sè bâdâ neng Depok iyâ arèya MIPA, Teknik, Psikologi, Hukum, Ekonomi, Ilmu Sosial bân Èlmo Politik, Èlmo Pengetahuan Bhudhâjâ, Èlmo Komputer, Kesehatan Masyarakat, Èlmo Keperawatan, Farmasi, Èlmo Administrasi, Fakultas Kedokteran, Fakultas Kedokteran Ghighi (sajjhek taon 2013).
Universitas Indonesia iyâ arèya perguruan tinggi negri abhâdhân hokom adhâsar Peraturan Pamarènta Nomor 68 Taon 2013. Organ universitas yakni: Majelis Wali Amanat, Rektor, Senat Akademik, bân Dewan Ghuru Besar.
Kantor Hubungan Masyarakat bân Keterbukaan Informasi Publik ban Kantor Arsip.
Rumpun Èlmo Kesehatan
Rumpun Sains-Teknologi (Saintek)
Fakultas Matematika bân Èlmo Pengetahuan Alam, Fakultas Teknik, bân Fakultas Èlmo Komputer
Rumpun Sosial-Humaniora (Soshum)
Sekolah Pascasarjana Multidisplin Ilmu
Sekolah Èlmo Lingkungan bân Sekolah Kajian Stratejik bân Global
Vokasi/Kejuruan
Program Vokasi
Universitas Indonesia (UI) iyâ arèya universitas è Inḍonèsia.
Makara Art Centrum iyâ arèya sarana bâdi pagelaran seni bân bhudhâjâ sivitas akademika UI. Gedung rèya èresmiaghi Agustus 2017.
Integrated Faculty Club iyâ arèya kennengan olahraga bân acara sè bisa èangghuy masyarakat loar (acara rapat, kabinan bân cem-macemma). Lokasina è loar kampus semma’ sareng restoran Mang Engking. Sajjek taon 2017 IFC èkelola abhârâng Relife Property klabân nyama Felicity Festival.
UI ngaghungi perpustakaan sè rajâna 30.000 m2 bân bâdâ 8 tingkat. Slogannah Crystal of Knowledge. Pangpanga èsabâ’ 1 Juni 2009. Perpustakaan UI èrancang klabân konsep sustainable building (ngangghuy energi arè) bân è dâlâm gedung ta’ ollè ngangghuy plastik, ta’ ollè arokok. Kennenganna hemat aèng, listrik bân dhâlubâng. Perpustakaan UI bisa mua’ 10.000 orèng. Perpustakaan UI bâdi rèng loar jughen. Perpustakaan UI jughen ngaghungi took souvenir, kennengan ngakan, ibadah, fotokopi bân kantor pos.
UI ngaghungi ḍuwâ’ asrama yakni asrama Depok sareng asrama Wismarini. Asrama Depok bâḍâ 480 kamar mahasiswa bân 615 kamar asrama mahasiswi. Sèttong kamar bâdâ 1-3 orèng. Dinèng asrama Wismarini bâḍâ neng Jl. Otto Iskandardinata no. 38 Jakarta klabân 72 kamar mahasiswa bân 111 kamar mahasiswi. Asrama rèya khusus Fakultas Kedokteran, Fakultas Kedokteran Ghighi bân program laènna sè bâḍâ neng kampus Salemba.
Balai Mahasiswa Salemba iyâ arèya fasilitassa Direktorat Kemahasiswaan bân Hubungan Alumni. Gedung rèya muwa’ 300 orèng bân lako èangghuy bâdi seminar, rapat bân laènna. Gedung rèya kennèng èsèwa umum.
Pusat Kegiatan Mahasiswa (Pusgiwa) UI iyâ arèya kennengan kegiatan mahasiswa UI. È ḍinna’ kennenganna sekretariat organisasi mahasiswa sè bâḍâ neng UI. Salaèn rowa bâḍâ jughen aula sè bisa muwa’ 300-400 orèng.
Wisma Makara bâḍâ neng semma’en asrama mahasiswa UI Depok. Kennengan rèya èangghuy bhâdhi akomodasi neng Depok bân Jakarta Lao’ bân segghut èangghuy ghâbây seminar, loka karya, pelatihan bân èn-laènna.
Tojjuna bhâdhi aladhin kabutoan mahasiswa yakni: sè buto ḍâ’ ka obat, tenaga medis, parèksaan Kesehatan mahasiswa anyar, Poliklinik, Apotek, Bimbingan Konseling Mahasiswa.
Bis kampus gratis bhâdhi mahasiswa UI bân warga Kukusan bân Margonda. Bis rèya èsebbhut bis konèng (biskun) polan abârna konèng. Neng taon 2005 UI ngaghungi 20 bis. Bis rèya molaè Senin-Jum’at kol 7 lagghu sampè’ kol sapolo malem bân sampè’ kol mon arè Satto. Bis rèya andi’ 2 rute, yakni rute mèra bân biru. Tandâ rutena bâḍâ neng kaca bis. Dinèng rute halte bis neng UI iyâ arèya:
Rute Bis Ekstensi FEB iyâ arèya rute khusus sè mangkat ḍâri Halte FEB UI lèbât Halte Stasiun UI, Halte Resimen Mahasiswa, motâr bâlik Halte Gerbatama, Halte Stasiun UI, bân abâli ka Halte FEB. Bis rèya èsebbhut ekstensi polan khusus mahasiswa ekstensi FEB UI sè akuliah neng lem-malem. Neng bâdân bis bâḍâ tolèsan “Program Ekstensi FEUI”. Bis rèya èangghuy kol 17.30 – 21.00 WIB.
Sajjhek Juli 2008, UI nyediaghi fasilitas ngènjâm sapèḍa. Sapèḍa bisa èènjâm ka petugas klabân nyetor ktm. Sapèḍa kèngèng èangghuy salanjânga kor ta’ kaloar ḍâri jalur sapèḍa. Sapèḍa kèngèng èpabâli neng terminal kamma bhein klabân merri’ ktm. Sapèḍa kampus totop kol 17:00 WIB.
UI ngaghungi 64 Pusat Studi bâdi adukung Pendidikan bân ngabdi ḍâ’ masyarakat. Pusat Studi UI yakni:
Unit kegiatan mahasiswa iyâ arèya organisasi mahasiswa tingkat universitas sè nampung minat bân bakat mahasiswa UI. UKM UI yakni:
CEDS (Kewirausahaan) bân Koperasi Mahasiswa (Biasana bâḍâ sabbân fakultas).
This article uses material from the Wikipedia Madhurâ article Universitas Indonesia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kontèn tasaḍiyâ è CC BY-SA 4.0 kajhâbhâ bâḍâ katrangan laèn. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Madhurâ (DUHOCTRUNGQUOC.VN) is an independent company and has no affiliation with Wiki Foundation.