Trofeo Pichichi
| Chest artícol a l'è scricc in Lumbàrt, ortograféa orientàl unificàda. |
Ol Trofeo Pichichi (se dis picici) l'è 'l prémio che töcc i agn ol giurnàl sportìf Marca 'l dà al zögadùr de la Primera división de la Liga spagnöla de balù che 'l fà piö gòai in del campiunàt e che per chèsto l'è ciamàt pò a lü El Pichichi. Ol prémio 'l ciàpa 'l nòm da ü zögadùr del Athletic Club de Bilbao, ol Rafael Moreno Aranzadi, che l'éra suernomiàt Pichichi e che l'à fài vèt de ès ü gran goleadòr tra 'l 1910 e 'l 1920, prima amò che la nasès la Liga.
In Spàgna i zögadùr i ghe té tat a èns ol Pichichi, ach se l'è mia ü prémio üficiàl e de fati per vèns ol prémio se té mia de cónt chèl che i scrif i àrbitri söl sò taquì, ma adóma i crònache de i corispondèncc del giurnàl Marca.
Stòria
Ol 18 de fevrèr del 1953, la Delegasiù Nasionàla de Sport, presiedìda dal Generàl Moscardó, la dacc ol permès a la Federasiù Spagnöla de Fùbal de mèt in pé chèsto prémio, nasìt da ön idéa del giurnàl Marca e del giurnàl Arriba. Isé 'l troféo l'è stài consegnàt per la prìma ólta in del campiunàt 1952 - 53 e 'l prim a ènzel l'è stacc ol Telmo Zarra, che l'è ach ol zögadùr che 'l l'à enzìt piö tàte ólte de töcc, per sès vólte.
Fò sùra ol giurnàl màrca l'à premiàt pò ach töcc i zögadùr che i 'l l'à enzìt prima del campiunàt 1952 - 53 a partì dal 1928 - 29.
This article uses material from the Wikipedia Lumbaart article Trofeo Pichichi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.