Temporal A Cèllula Unega

Quest articol chì l'è scrivuu in lombard, grafia milanesa.

I temporaj a cèllula ùnega hinn di temporaj isolàa che gh’hann domà vuna corrent ascendenta principàl. Quèj temporaj chì hinn i tipich temporaj de l’estàa di zòn temperàa. I succeden anca ind l’aria frèccia e instabil dòpo el passàgg de on front frècc che a l’è passàa in sul mar d’ inverna.

I temporaj a cèllula ùnega hinn fa su domà de vun cumulonemb in deperlùu e duren pòch perché i corrent ascendent e discendent hinn puttòst verticaj e minga piegà e donca se ostacolen vuna l’altra fin a portà a la nivola a mangiàss foeura.

I cèllul unègh pòden sviluppàss in condizion de alta pression ma con valor minga tròpp elevàa (1012-1018 hPa) e scars vent (<30km/h), iscì de vèss possibil ai mass d’aria del sit a scaldàss e donca andà su.

I condizion de scars vent e forbes del vent, de sorapù hinn tal de fa che i corrent ascendent e discendent sìen nò piegà , ma pròppi verticaj inscì de disturbass ,de già che el fluss in sortida del temporal el reffrèggia tutta l’aria intorna al temporal inscì de bloccà el fluss in entrada

El mòto di temporaj a cèllula ùnega el ghe và adréée al fluss medi del vent ai vari quòt che ghe vann addòss al cumulonemb.