Santa Giuliana
La Giuliana (Cuma, 285- Nicomedia, 305 ca.) l'è stada ona martira cristiana ai temp de l'imperador Massimian.
Vita
Nassuda in Campania, l'era de fameja pagana, ma la s'è convertida al cristanesim. L'è stada promettuda al prefett de la città, ma lee la miss 'me condizzion per sposass che anca el marì el se convertiss a la religion cristiana. Alora l'è stada denonziada del sò fidanzaa, processada e condannada a mort. Lee l'ha refudaa de bandonà la soa fed, e donca gh'hann tajaa el coo. Se dis che l'è stada mazzada a Nicomedia, perchè al temp l'era vuna di sedi imperiai, e l'è staa de lì che 'l Massimian l'ha inviaa a perzepità i cristian.
Culto e tradizzion popolar
L'è la patrona di malaa e di donn che hinn in compra. Inoltra, in de la zona lombarda, l'è patrona de el Borgh (NO) e de Caponagh. L'è regordada in d'on proverbi, che 'l dis:
 | «A Santa Giuliana salta la rana per la piana» |
che 'l voeur dì che el 16 de febrar ormai el fregg pussee dur l'è balcaa, e i besti tornen a girà per la campagna.
This article uses material from the Wikipedia Lumbaart article Santa Giuliana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.