Elserino Piol
L'Elserino Piol (Limana, 8 de dicember del 1931 - Milan, 17 de avril 2023) a l'è staa on ingegnee e dirigent d'azienda italian, pader del venture capitalist e pionee de Internet in Italia.
Biografia
El Piol l'ha studiaa 'me peritt elettronich, e l'ha scominciaa a lavorà 'me programmator di sched perforaa in del 1952 a la Olivetti Bull.
In del 1959 el deventa Direttor de la Division Commercial Elettronica de l'Olivetti Bull, che poeu la deventa la Division Elettronica, giudada dal Roberto Olivetti e de la Marisa Bellisario. Quand che gh'è la vendita de la Division ai american el resta in Italia e 'l deventa Direttor del Marketing, e in 'sta posizion el gestiss la sortida de la Programma 101 e de fàlla passà per calcolatris per vendela no ai american.
In di agn 1970 el se concentra in sul desvilupp di macchin contabil e telescrivent.
In di agn 1980 el cognoss Steve Jobs, che 'l domanda a la Olivetti de investì on milion in la Apple, ma el Carlo de Benedetti el refuda.
El lassa l'azienda in del 1996 comé Vicepresident.
De li el decid de dedicàss a l'investiment in di start up, comé Tiscali, Yoox Net-A-Porter Group e Vitaminic. L'unegh unicorn italian, ossia 'na start up valutada pussee de on miliard de dollar, a l'è sò.
Riferiment
This article uses material from the Wikipedia Lumbaart article Elserino Piol, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.