Aleksandar Trajkovski
L'Aleksandar Trajkovski (Skopje, 5 de setember 1992) a l'è un sgiugador de folball macedon, centr-atacant de l'Al-Fayha e de la selezzion del folball de la Macedonia del Nord.
 | Quest articol chì l'è scrivud in lombard, con la Noeuva Ortografia Lombarda |
Carrera
Club
L'ha scominciad in del 2008 cont el FK Cementarnica 55, in del 2010 el sgiuga una partida cont el Chelsea e 'l fa el goal che 'l mena in semifinal contra el Botafogo in la Copa Amsterdam U-19.
In l'estad del 2010 el firma con l'Inter Zaprešić, indova che 'l sgiuga ben e l'atira l'interess de varie squadre: el scerniss, in del 2011, i belga del Zulte Waregem.
In l'estad del 2015 el fa san Martin al Palermo e l'è anca nomnad "sgiugador de folball macedon de l'ann", ma cont el falliment de la squadra el torna liber e 'l se sgionta al RCD Mallorca e, in del 2021, el se spòsta a l'AaB Fodbold. In del 2022 el và a sgiugà in Arabia Saudita cont el Al-Fayha.
Selezzion
In del 2012 la selezzion macedon U-21 la bat quella olandesa, cont un sò goal.
A l'è selezzionad per la Macedonia del Nord a EURO 2020, prim tornee volt de la selezzion. In di qualifegazzion al mondial del 2022 la Macedonia del Nord la va ai sparegg contra l'Italia, propi al stadi del Palermo, e un so goal, in di darrer menut de la partida, el met fin a la campagna de qualifegazzion italiana.
Riferiment
Alter proget
Wiki Commons el gh'ha dent imagin o alter archivi su Aleksandar Trajkovski
This article uses material from the Wikipedia Lumbaart article Aleksandar Trajkovski, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.