Tramans: Mont tl chemun de Sëlva

Articul per Ladin Gherdëina

Sun Tramans ie l Lech de Tramans y nce l pitl lech de Tramans.

Tramans ie na pastura dl chemun de Sëlva ulache paures de Olaneres à l dërt de pastura. Tl cason de Tramans, che ie de proprietà dl chemun de Sëlva, stà d'instà l paster che muessa cialé sun 90 cë de bestiam.

Sun Tramans ruvun dala Streda di Strënc da Ciaslat su, troi N. 23, o dala Mont de Pana ite, troi N. 528. N'autra streda ruva te Tramans da Mont de Sëura, troi N. 526B, da Sochertes ite, troi N. 28, da Ciandepinëi passan per l Ëur da Tieja Troi N. 21 y 21A. Da Plan de Gralba su per Valongia, l Ëur de Valongia, troi N. 21 y 21A. Per Tramans passa nce l troi che va ntëur l Saslonch N. 526 y 526B. D'inviërn passa sun Tramans n purtoi dai schi che vën ju dala utia Comici o da Piza da Sela, passan per i Ëures de Valongia, y che va ora per i Strënc fin sun Mont de Pana.

Te Tramans ie na sentadoia da doi per chëi dai schi, che porta dal Plan de Saslonch sun Sela Tieja.

•  
  Lech de Tramans cun Piz de Sela.
•  
  Lech cun Ciandepinëi.
•  
  Lech cun la Legrima de Saslonch

Ti ani 1970 an abinà te Tramans na sosta cun n sit mesolitich.

 

• Fotos de Tramans sun Commons.
• Lec de Gherdëina