- Sabbo 23 de marso 2024, a 9 ôe a-a séia, a-o Tiatro Rina e Gilberto Govi a Zêna Bolsanæo ghe saià 'n spetàcolo muxical-tiatrâle intitolòu "Donde ti væ?" realizòu da-o Mike fC co-a parteçipaçion de Antonello Ferroni e Franca Parodi e con di tòcchi scriti da lê e ezegoîi da-i muxicisti Andrea Alinovi, Enrico Bovone e Vittorio Sasso.
- O 19 de dexénbre, inta Sâla Chierici da Bibliotêca cìvica Berio de Zêna, gh'é stæto o convêgno "Leggere e scrivere in genovese", cuòu da-o "Conseggio pe-o patrimònio linguistico ligure"; a quésto ligàmmo se peu lêze o progràmma intrêgo. Chi gh'é o video conplêto de tûtto quello convegno. Alêgri!
- A Wiki lìgure a l'é arivâ, fra tùtte e sò pàgine de contegnûo, a ciù de 2.000.000 de pòule inta nòstra léngoa!
- Ancheu, a çinqu'ôe depoîdisnâ, inte l'Àola Sàn Sarvòu in Sarzàn ghe saiâ a prezentaçión a-o pùblico da descovèrta do ciù antîgo diçionâio zenéize, êuvia do præ Cristoforo Filippi do 1834, a cûa de l'asociaçión "A Compagna" e con relatoî o Vittorio Lauda e o Franco Bampi.
- A và avànti in sce Youtube a série de inchièste fæte da-o cantànte Mike fC da-o tìtolo: "Dimmi qualcosa in zeneize". Chi gh'é a dozénn-a pontâ (a Marasci, tra i tifôxi do Zêna) e chi a trezénn-a (de lóngo a Maràsci, tra i tifôxi do Döia), bónn-a vixón!
- Aregordæve che tùtti i zéuggia, a-e 20ː30, gh'é a dirétta in sce Telenord do nêuvo progràmma zenéize Scignorîaǃ, co-o Gilberto Volpara cómme condutô. Gh'é de répliche into córso da setemànn-a e-e registraçioìn a dispoxiçión in sciô scîto ofiçiâ (chi a prìmma pontâ), bónn-a vixón!
Pò-u moménto, no l'é stæto inandiòu de radùn Chi l'é segnalòu e discuscioìn de interèsse pe tùtta a comunitæ in córso a-o bar ò in âtre pàgine che van avanti da setemànn-e ò méixi: - Statìstiche a-o prìmmo d'arvî do 2024. A lij.wiki a l'é a-o 163° pòsto, con 11.236 pàgine de contegnûi e con 2.036.896 pòule inte tùtte e pàgine de contegnûo. A média de modìfiche pe pàgina a l'é de 9,02. E biografîe són 777 e-e vôxe biogràfiche con còdici de contròllo de outoritæ són 562. E vôxe no biogràfiche con còdici de contròllo de outoritæ són 4.271. I file caregæ són 10. I cangiaménti, da-o moménto de l'inàndio de lij.wiki, són 245.595. E vôxe parlæ són 17. I uténti registræ són 16.574, i uténti atîvi són 30 e i aministratoî són 5.
- Statìstiche a-o prìmmo de màrso do 2024. A lij.wiki a l'é a-o 163° pòsto, con 11.226 pàgine de contegnûi e con 2.023.602 pòule inte tùtte e pàgine de contegnûo. A média de modìfiche pe pàgina a l'é de 9,02. E biografîe són 777 e-e vôxe biogràfiche con còdici de contròllo de outoritæ són 562. E vôxe no biogràfiche con còdici de contròllo de outoritæ són 4.268. I file caregæ són 10. I cangiaménti, da-o moménto de l'inàndio de lij.wiki, són 245.209. E vôxe parlæ són 17. I uténti registræ són 16.451, i uténti atîvi són 24 e i aministratoî són 5.
A LÉNGOA DI NÒSTRI ANTÎGHI Testo scrîto da Frédéric Mistral (1830-1914), Premio Nobel 1904. Tradûto da Enrico (Rîco) Carlini ’Na léngoa a l’é ’n mùggio de prîe; a l’é ’n antîgo fondaménto a-o quæ ògni viandànte o gh’azónze o sò tòcco d’öo, d’argénto ò de ràmme; a l’é ’n monuménto stramezuòu a-o quæ ògni famìggia a ghe métte a sò prîa, dónde ògni çitæ a gh’à tiòu sciù a sò colònna... ’Na léngoa, inte ’na paròlla, a l’é a rivelaçión da vìtta vîva, a manifestaçión do penscêo umàn, o sacrosànto struménto de civiltæ e o testaménto parlànte de socjetæ mòrte ò vîve. |