E die (da-o latin digitus) en e estremitæ articolæ de moen e di pê de l'ese uman e d'atre bestie.
ZE-P |
A prezença de die a caratterizza a classe di tetrappodi.
O dio o l'è composto da de falange, de sollito træ (falange, falangiña e falangetta), a parte i dii grosci de moen e di pê che ghe n'han doe. I articolaçioin tra-e falange en dite noetti.
E die finiscian con l'ongia da-a parte da scheña e co-a pançetta da-a parte do crœuzo. A pançetta a l'è sorcâ da tante rapette che forman l'impronta digitâ e che servan a amplificâ e sensaçioin tattile acaxonando de microvibraçioin ch'en acugeite da-o scistema nervozo.
Gh'è çinque die in ogni man e in ogni pê. E die da man de l'ese uman son:
E die do pê no g'han de nomme, a parte o dio grosso ch'o pœu ese ciamao alluçe ascì (e foscia ciu antigamente aixo) e o marmelin.
E die se contan a partî da-o dio grosso de moddo che o marmelin o vegne a ese delongo o quinto dio.
Pe de mâformaçioin congennite e die pœuan mancâ (ectrodattilia), ò pœu mancâghe quarche falange (ectrofalangia) ò che donque esighene quarcheduña de ciu (iperfalangia) ò esighe ascì quarche dio de troppo (polidattilia); pœuan ese assódæ tra lô (scindattilia) ò vegnî gigantesche (macrodattilia) opû arestâ picinette (microdattilia), ò ciù curte da norma (brachidattilia), ò ciù longhe (dolicodattilia); pœuan aprezentâse refesse (clinodattilia) ò scivertæ (camptodattilia). Di sorchi congenniti do metacarpo ò do metatarso pœuan conferî a l'estremitæ 'na forma ch'a fa vegnî in cœu e granfie do gàmbao. Tra e deformitæ aquixie s'ha da mençunâ o dio à martello.
Contròllo de outoritæ | LCCN (EN) sh85048339 · GND (DE) 4154429-8 |
---|
This article uses material from the Wikipedia Lìgure article Dio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.