Argàgno ò àrgano, apægio ch'o serve a ezerçitâ, pe mezo de cavi ò cadeñe, di gren sforsci de traçion pe solevâ di càreghi ò pe rebelâli.
ZE-P |
L’argagno o l'è constituîo da 'n fuzo, in sciô quæ s'ingœugge o cavo, ch'o ven fæto giâ a man ò mediante motô, tramite di rotismi demortipricatoî, constituii inte l'argagno a man da-a cobbia rocchetto-rœua dentâ, opù da-a cobbia via-rœua elicoidâ, mentre inte l'argagno a motô de vòtte son necessai di reduttoî ciu complesci. Gh'è ascì di conzegni de seguêça (diti castagne) che impediscian che a gummena a desvire se ven a mancâ l’açion motrixe.
O fûzo o pœu êse a asciâ verticâ ò orizzontâ.
I antighi argagni a man da mainaja a veja ean sciti a-a proa di barchi, gh'aivan u fuzo verticâ e in sciâ testa do fuzo di pertuxi pe infiâghe i aspe, ossæ, di travi de legno che i mainæ sponciavan co-e braççe pe virâ a l'argagno e sarpâ l'ancoa.
Questo tipo d'argagno (fr. cabestan, ing. capstan, sp. cabrestante), o l'è tuttoa dœuviao a bordo, inti pòrti e inti scæ feroviai.
Inte l'argagno a asciâ orizzontâ (dito ascì moinello) a corda a l'è generalmente fissâ pe 'n estremmo a-o fuzo e ingugeita a questo. O fuzo, inti argagni picin, o l'è liscio mentre inte quelli de maggiô diametro o l'è sorcao da de cœugge, pe 'n regolâ ingugimento da corda.
I argagni a motô se distinguan a segonda do tipo de motô da-o quæ son açionæ (argagni elettrichi, a vapô e a aia compressa). I argagni elettrichi son dœuviæ pe ascensoî, montacàreghi, grue, poççi d'estraçion, funicolæ, strafie ecc.; i argagni a vapô, invece, son dœuviæ in mainaja, prez. pe-e manœuvre d'ormezzo e de tonezzo; infin, i argagni a aia compressa son dœuviæ inte di caxi speciæ (prez., inti loei de scavo in galleria).
This article uses material from the Wikipedia Lìgure article Argagno, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.