Middelhoeëgduutsj
Dit artikel is gesjreve (of begós) in 't Norbiks.
Laes hie wie v'r mit de versjillende saorte Limburgs ómgaon.
't Middelhoeëgduutsj is 'n owwer vörm van 't Hoeëgduutsj en 'n conglomeraat va dialekte dat gekald en gesjrieëve waoërt tössje 1050 en 1350 n.Chr. In engere zin versjteet me oonder 't Middelhoeëgduutsj de epische taal die gebroekd waoërt in d'r tied van de Hohenstaufer. 't Waoërt väöraafgegange dör 't Aodhoeëgduutsj dat zich tösje d'r driejde en viefde ieëw, mèt de twiede en Hoeëgduutsje klaankversjuving van de Westgermaanse tale begoes te oondersjèjje. Soms helpe historische feite öm die klaankversjuving te datere. De invasie va Attila in Europa vong plaatsj in d'r viefde ieëw. In Duutsjlaand neumt me Attila ooch Etzel en dat gegaeve dèèt de twiede klaankversjuving datere get vör of op dae tied.
Mèt d'r Eneïde va Hendrik van Veldeke begint de Middelhoeëgduutsje, en daomèt ooch de Duutsje literatuur. Daovör waoërt bekaans mètstens in 't Latien gesjraeve. Sommege deile van de Carmina Burana zint Middelhoeëgduutsj.
This article uses material from the Wikipedia Limburgs article Middelhoeëgduutsj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.