Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Málaga is 'n Spaanse havestad in Andalusië die ane Costa del Sol ligk. 't Is de houfstad vanne gelieknamige pervinsje. In 2016 haw de stad zón 570.000 inwoonders. Rónjelóm Málaga ligke berg en twieë revere, de Guadalmedina enne Guadalhorce. Dees twieë loupe bieje stad oet oppe Middellandjse Zieë.
De binnestad ligk kortachtere have. Rónjelómme binnestad ligke de wieke El Perchel, La Trinidad en Iagunillas. De stad haoltj zien inkómme veural oete landjboew en 't toerisme. 'ne Bekandje gebäörtigen oet Málaga waas Pablo Picasso.
Málaga woort róndj 1.000 v.Chr. gestif dore Feniciërs es 'n hanjelskolonie; daoveur laag hie 'n nederzitting van 't pre-klassiek Turdule-vouk. Zón zeve ieëwe nao de stifting vanne kolonie woort zie vereuverd dore Romeine, same mitte anger Spaanse gebiede die toe in henj wore van 't Carthaags Riek. Vanaaf de viefdje ieëw n.Chr. kwaam de stad inne henj vanne Visigothe, wonao de stad inne achste ieëw woort vereuverd dore Moeare. In daen tied woort Málaga ouch e wichtig hanjelscentrum. Anen inj vanne vieftieëndje ieëw kwaam Málaga mitte reconquista trögk in Spaanse henj.
Edersjaor wuuert de stad bezóch door väöl toeriste, ouch es doorreis nao anger stej inne ómgaeving, wie Sevilla, Córdoba en Granada. De stad is riek aan museum, wiejer bezeenswaerdig zeen:
This article uses material from the Wikipedia Limburgs article Málaga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.