Luc Hollands

Laes hie wie v'r mit de versjillende saorte Limburgs ómgaon.

D’r Luc Hollands (°1967) ees ene militaante boer oet Töve (Voere, op ‘t Belsj). E haat e bio-mellekvieëbedrief en woor akteef op lokale (BioMilk, Milcherzeuger Interessengemeinschaft - MIG) en globale sjaal (verzèt tègen ‘t CETA). Sins mèät 2021 ees-e veurzitter van de cooperatief Biomilk.be. Es boerejong sjtudeerde-n-e oonder aandere aan ‘t Collège Saint-Louis ee Waremme va 1983 pies 1985. E pakde ‘t famieljebedrief övver ee 1992. Ee 2004 decideerde-n-e om allèng noch mellekvieë te hotte. E haat oach e vakaansiehoes op de boerderiej oe ze classes vertes organizere.

Mèt z’n famielje haat d’r Hollands 100 mellekkeu op 65 ha wèje; et haat oach 7 ha vèlde oe e biologisch vieëvoor kwèëkt. Et ès e famieljebedrief ee ‘’circuit fermé’’. Volges ‘t professionele tiedsjrif Landbouwleven zeunt z’n wèje hèl schön, daank zie der klaver en aander azotfiekseerders.

Ömsjakeling

Ee 2011 besjliste d’r Hollands om övver te sjakele no biologische prodeuksje.

Nao en lèstige övvergangsperiod va twèèj jaor, oe het gebroek van d’r baojem wöet aagepas, ees d’r Hollands övvertugt dat e lèventich mellekvieëbedrief allèng mögelek ees es me de eendestriële methode lot valle, met hunne keunsmèès, GGO soya en majës. E observeert bèëter rèndemènt oe e toch rèëkening hot met het gaanse circuit de production, de keu zeunt veul gezoonder, en de mellek va bèëter qualité. Et haat oach freutbeum en hage in ze integraal bedrief.

Deerewelzien

In ‘t kader van durabele prodeuksje dreenke de koaver noe dierek van de koo. D’r Hollands vollegde de goje road va bezeuker va z’n boerderiej die ‘t ‘’agro-industriële systeem” mèt kaover die dreenke oet de flèsj een kleng huuskes sjlèët vonge.

Volgens d’r Hollands höbbe de liberalisering va de mèët en ‘t afsjaffe va “productiebegrenzingen” gelejd tot een crisis een de mellekprodeuksje en tot ‘n oongezoonde konkurrens teusje de boere. D’r övverganag no biologische mellekprodeuksje ees volleges hem ‘n solution die d’r boer nuuj perspectieve gèft. D’r Hollands makde pies 2015 dèèl oet van ‘t European Milk Board en oach va MIG Belgique , oe e zeech eenzètte vör zjuste mellekprodeuksje. E gong oet die organisaasje wie e zooch dat ze sjtèrrek opkoame vör de industriële mellekprodeuksje. Oach wor d’r Hollands ènge oprichter va Fairebel. Mè Fairebel ees mellek oone plus-value, néét vör de kalitèt, en o néét vör de “durabilité” of ’t klimaat; dus haat d’r Luc Hollands, dèè kwalitèètsbiomèllek produceert, Fairebel verloaten ee 2018. E ees oach actief leed van d’r Welsje boeresyndicat Fugea en va Via Campesina. Dat ees ‘n internasjenaal bewèging die zeech eezet vör de rèèchte va boere èn vör ene “agro-ecologische” aapak in ‘t boerebedrief.

Ee 2018 haat Biomilk.be, oe d’r Hollands èng va de initiatiefnemere ees, e kontrak oonderhandeld mèt Delhaize. Dat es ene groeëte sjtap vör dès haafgroeëte biologische coöperaasje mèt 44 lèèj, haof oet ‘t Welsj en haof oet ‘t Flamsj. ‘t label Biomilk.be op mieë da 20 mèllekprodeukte bie Delhaize garandeert Belsje oeërsproong, bio kwalitèèt, en ene faire pries vö de boere.

D’r Hollands wöet èng va de gezeechter van ‘t protèèst tège CETA, ‘t haandelsverdraag tusje Europa en Canada. Volleges heum makt dat verdraag de klèng boere kapot en profiteert dat allèng an d’r groeëte teusjehaandel. D’r Hollands waor aoch ‘n actief leed van d’Alliance D19/20, e militaant platform tège de vriehaandelsverdraoge.

D’r Luc Hollands haat hèl veul aandach gekrège ee’n et national en internationale nuutsj vör z’n zijn activitète: RTBF, De Morgen, Le Soir, ‘n opinisjteuk een De Standaard, èn zellefs in d’r New York Times. Oach de realisateure va Man bijt hond op Eén weesten ‘m te vinge vör ‘t oonderdèèl "Het Dorp".

• Ze’ne graapa, d’r Léon Hollands, wor beurgemèèster va Rimmezjdel een de joare 1950
• D’r Hollands kalt alle voof tale die een d’r sjtriëk gebroekt weure: Plattduutsj, Fraans, good Flamsj, Welsj en Hoeëduutsj.
• E es néét betrokke bie d’r taalsjtried ee Voere
• EE 2016 wöët e in audiens ontvange deurch der pâpe

• Oetbater van d’r gîte Green Valley ee Töve
• Vöörzitter coop Biomilk.be
• Kontak va Bioterroir mellekprodeukte
• Leed va “Plattelandsklassen”
• Acteur in der fillem Il a plu sur le grand paysage
• Muzikaant e vöörzitter van de Koninklijke Harmonie van Teuven die dèèl es van de Harmonies réunies de Teuven et Rémersdael