Griendsveen
Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Griendsveen (Nederlands Griendtsveen) is e dörp in de Nederlands-Limburgse gemeinte Haors aan de Maas, op de Pieël, aon de grens mèt de Noord-Braobantse gemeinte Deurne, mèt (2006) 540 inwoeners.
Griendtsveen oontstoont laanks de spoorlijn vaan Venlo nao Eindhove. Investeerder Jan van de Griendt waor d'n aonnummer veur de spoorlijn (entans vaan 't stök tot Helmond), mèt es doel de Pielgrun te oontginne. Nao de stiechting vaan Helenaveen (in Noord-Braobant) begóste zien zäöns vaanaof 1855 mèt de kolonie Griendtseveen, die nao hun geneump woort. In de jaore daonao greujde de törfkolonie oet tot 'n echte neerzètting. Zoe kraog 't in 1888 'n sjaol en in 1895 'n kèrk. Naotot de kolonie verveend waor gónge de bewoeners ziech op landbouw riechte. Tot 1956 waor 't dörp bezit vaan de familie Van de Griendt. Tot 2001 huurde Griendsveen bij de gemeinte Haors, toen woort 't heringedeild bij Haors aan de Maas.
De plaots heet e besjermp dörpsgeziech. Griendsveen is 't eineg dörp in Nederlands Limburg mèt 'n ech Braobants (i.c. Oos-Braobants) dialek. Dit plat is in groete liene gliek aon dat vaan Deurne.
 | |
|---|---|
| Dörper, gehuchte en buurtsjappe: Amerika · Brokeze · Grevors · Griendsveen · Haegelsem · Haors · Lottem · De Kroeënenberg · De Melderse · Mieëldere · De Mieëterik · Tiendere · Vaors · Zwolge | |
This article uses material from the Wikipedia Limburgs article Griendsveen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.