Fjoeal
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
De fjoeal is e snaorinstermènt mit veer snaore. 't Is 't kleinste lid vanne fjoealfemielje en haet 't hoogste bereik. De klank wuuertj veurtgebrach dore snaoren in trilling te bringe mit 'ne striekstek (arco) of door te tokkele mitte vingere (pizzicato). d'n Houtere klankkas deentj veur 't geluid vanne trillendje snaore te versterke. De fjoeal wuuertj meistes bespeeldj door 'm tösse de kin enne sjouwer te klemmen en mitte vingere vanne linkse handj de snaoren aaf te drökke taenge de ebbenhoutere toets veur zoea de snaor te verkórte (en dus hoger te laote klinke).
Stumming
De veer snaore zeen normaal gespraoke gestump in rein kwinte, van lieëg nao hoeag: G (g), D (d'), A (a'), E (e") (aezelsbrögkske: Geef De Aap Eten).
Zuuch ouch
- Altviool
- Cello
- Contrabas
This article uses material from the Wikipedia Limburgs article Fjoeal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.