Vive De Jesus En La Atesta Nova
La cuatro evanjelios canonal de la Atesta Nova es la fontes prima per la naras de la vive de Jesus.
an tal, otra partes de la Atesta Nova, como la leteras de Paul cual ia es probable scriveda entre 20 o 30 anios de lunlotra, ance inclui referes a episodios xef en sua vive como la Come de Sera Ultima.
Jenealojia e nase
La jenealojia e nase de Jesus es descriveda en du de la cuatro evanjelios canonal: la Evanjelio de Mateo e la Evanjelio de Luca. En cuando Luca trasa la jenealojia a alta en dirije a Adam e Dio, Mateo trasa a basa en dirije a Jesus. Ambos evanjelios indica ce Jesus ia es consepida miraclosa en la utero de Maria, madre de Jesus par la Spirito Santa. Ambos reportas trasa Josef asta la re David e de ala a Abraham. Esta listas es identica entre Abraham e David (eseta per un), ma los difere casi intera entre David e Josef. Eruditas moderna interprete los como creas leteratural.
La naras de la nase de Jesus par Luca e Matero ave diversa puntos en comun: ambos dise ce Jesus ia nase en Bethlehem, en Judea, de un madre virjin. En la nara par Luca Josef e Maria viaja de sua casa en Nazaret per la conta de abitores a Bethlehem, do Jesus ia nase e ia reposa en un portafeno.
This article uses material from the Wikipedia Lingua franca nova article Vive de Jesus en la Atesta Nova, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.