Txavax (Чӑвашла) es un de la linguas turcica parlada en Rusia european, xef en la Republica Txavax e areas visina.
Txavax Чӑвашла Căvašla Çovaşla | |||
---|---|---|---|
State ofisial | |||
Lingua ofisial de: | Republica Txavax | ||
Regulada par: | |||
Sifras | |||
Mapa | |||
Vide ance: Lingua – Lista de linguas |
Lo es la sola membro survivente de la ramo ogurica de la linguas turcica.
Lo es la lingua nativa de la popla txavax e la lingua ofisial de Txavaxia. Lo es parlada par sirca 1,640,000 persones en Rusia e 34,000 en otra paises. 86% de txavaxes e 8% de la popla de otra etnicos vivente en Txavaxia declara ce los parla la lingua en la conta de 2002.
La sistem de scrive per la lingua txavax es fundida sur la alfabeta cirilica, usante tota leteras de la alfabeta rusce, plu cuatro leteras plu: Ӑ, Ӗ, Ҫ e Ӳ.
Txavax es la plu distinguinte de la linguas turcica e no pote es comprendeda par parlores de la otra linguas turcica. Txavax es clasida, con la lingua estinguida balgar, como la sola membro restante de la ramo ogurica de la turcica familia.
Como tota linguas turcica, txavax es un lingua aglutinante. Lo ave multe sufisas ma no prefisas o preposada, estra la prefisa reduplinte, com шурӑ - blanca, шап-шурӑ - blanca de neva. Un parola pote ave multe sufisas, cual pote ance es usada per crea parolas nova, como creante un verbo de un nom, o un nom de un radis verbal. La ordina de parolas es jeneral sujeto-ojeto-verbo.
Nomes txavax pote ave finis cual indica la person de un posesor. Los pote ave ance finis de caso. Un esemplo:
Caso | Txavax | LFN |
---|---|---|
Nominativa | кун | dia, o la dia |
Posese | кунӑн | de la dia |
Acusativa/Dativa | куна | a la dia |
Locativa | кунта | en la dia |
Ablativa | кунтан | (a via) de la dia |
Strumental | кунпа | con la dia |
Verbos txavax mostra la person e pote es fada negativa o nonpotente/potente. Plu, verbos pote esibi tempo, modo, aspeta; los pote es progresante, nesesada, aoriste, futur, deduinte, presente, pasada, ipotesal, comanda, o desira.
Txavax | LFN |
---|---|
кил- | veni |
килме- | no veni |
килейме- | no capas de veni |
килеймен | lo pare ce el ia es no capas de veni |
килеймерӗ | el no ia es capas de veni |
килеймерӗр | vos ia es no capas de veni |
килеймерӗр-и? | esce vos ia es no capas de veni? |
This article uses material from the Wikipedia Lingua franca nova article Txavax (lingua), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.