La Streta Bering (Rusce: Берингов пролив, Beringov proliv, Yupik: Imakpik) es un streta de la Mar Pasifica cual borda con la Mar Artica a la norde.
Lo es locada entre Rusia e la SUA. Nomida per Vitus Bering, un esploror dansce en la servi de la Impero Rusce, lo es situada sude de la Sirculo Artica a sirca 65° 40' norde latitude. La borda este-ueste entre Rusia e la SUA es a 168° 58' 37" ueste.
La streta es sirca 82 km larga a sua punto la plu magra, entre Capo Dezhnev a la Penisola Chukchi e Capo Prinse de Wales, Alaska. Sua profondia varia entre 30 metres e 50 metres. Lo borda con la Mar Chukchi a la norde e la Mar Bering a la sude.
La Linia Internasional de Data es situada a un distantia egal entre la Isolas Diomede par 1.5 km, cual causa ce la lados rusce e american es normal en otra dias de la calendario.
La streta ia es un parte de la ipotese ce umanas ia migra de Asia a America Norde par la americanes orijinal, usante un ponte de tera nomida Beringia, cuando la altia de la mar ia esposa un estende larga de la solo de la mar. Esta ipotese es la dominante oji. Nota ance ce multe crusis de la streta par barco ia es recordada en la sentenio 20 temprana.
This article uses material from the Wikipedia Lingua franca nova article Streta Bering, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.